یانوارین ۲۲-ی آخشام ساعتلاریندا آوروپا پارلامنتی ۵۶۲ لهینه، ۹ علیهینه و ۵۷ بیطرف سسله ایران‌دا مینلرله اعتیرازچینین قتلعامینی پیسله‌ییب و اسلام انقلابی کئشیکچیلری کورپوسونون آوروپا بیرلیینین ترورچو سیاهی‌سینا داخل ائدیلمه‌سینی تصدیق ائدیب.

Axar.az خبر وئریر کی، بو باره‌ده آوروپا پارلمانینین یایدیغی بیانات‌دا بیلدیریلیب.

"ایران‌دا مینلرله اعتراضچینین قتلعامی ایران رژیمینین مخالفت‌چیلره قارشی رپرسییالاری و سیستماتیک سویقیریمینین دهشتلی بیر اپیزودودور"،- آوروپا پارلامنتینین بیاناتیندا دئییلیر.

آوروپا پارلامنتینین عضولری حاضردا حبس‌ده اولان بوتون اعتراضچیلارین، انسان حاقلاری مدافعه‌چیلرینین و ژورنالیستلرین درحال و قید-شرط‌سیز آزاد ائدیلمه‌سینه چاغیریبلار.

پارلامنت آوروپا بیرلییی شوراسینی اسلام انقلابی کشیک‌چیلری کورپوسونو، او جمله‌دن اونا باغلی "بسیج" و قدس قوه‌لرینی درحال ترور تشکیلاتی کیمی تانیماغا چاغیریب. آوروپا پارلامئنتی همچینین آدی چکیلن قوروملارین آکتیولرینین دوندورولماسی و ویزا قاداغالاری دا داخل اولماقلا، آوروپا بیرلیینین محدودلاشدیریجی تدبیرلرینین گئنیشلندیریلمه‌سینه و جدی شکیلده تطبیق ائدیلمه‌سینی طلب ائدیب.