ایران یازیچیلار بیرلیگی ایران‌دا اعتراضلارین قددارلیقلا یاتیریلماسی و اعتراضچیلارین اؤلدورولمه‌سینی پیسله‌ییب.

Axar.az خبر وئریر کی، بو باره‌ده ایران یازی‌چیلار بیرلییینین بیاناتین‌دا بیلدیریلیب.

یازی‌چیلار بیرلییی بیانتین‌دا خاریجی مداخله‌نین ده فسادلاری باره‌ده خبردارلیق ائدیب:

«شبهه‌سیز کی، آزادلیق آرزوسونو حربی مداخیله‌یه باغلایانلار اؤز سارایلارینی بو تورپاغین خارابالیقلاری اوزرین‌ده قورماق ایستییرلر».

بیانات‌دا خاریجی قوه‌لرین ایران خالقلارینین آزادلیغی اوچون دئییل، اؤز منافعلری اوچون یارانان فورصت‌دن سوءاستفاده ائتمه‌یه چالیشدیقلاری قید اولونوب:

«حکومتین جنایتلرینین دهشتلی میقیاسی استثمارچی گوجلرین مداخله‌سینه یول آچیب. اونلار یارانمیش شرایط‌دن استفاده ائد‌رک قانلی مستملکه کئچمیشلرینی خلاصکار ماسکاسی آرخاسیندا گیزلتمه‌یه و اؤزلرینی خالقین خلاصکاری کیمی گؤسترمکله پای قازانماغا چالیشیرلار".

ایران یازیچیلار بیرلییی اعتراضچیلارین قتلعامینین آزادلیغا آپاران یولو باغلامایاجاغینی وورغولاییبلار:

«قیرغینلارلا کوروپسیا، آیری-سئچکی‌لیک و برابرسیزلیکدن بزمیش خالقین گوجو و اراده‌سی محو ائدیلمه‌یه‌جک؛ اونلار یئنی‌دن شعورلو شکیلده تشکیلاتلاناجاق و اؤز اراده‌لرینی حاکمیته و گوج صاحبلرینه تطبیق ائد‌جک، اؤز تالعلرینی معینلشدیره‌جکلر».