ایران ایله آمریکا آراسین‌دا گرگین‌لیک آرتماق‌دا داوام ائتدیی و ایرانین حربی تعلیملرنین کئچیریلدیی بیر واختدا رسمی تهران هرمز بوغازی یاخینلیغین‌داکی هوا مکانینین بیر حصه‌سینین موقتی اولاراق محدودلاشدیریلدیغینی اعلان ائدیب.

Axar.az خبر وئریر کی، بو باره‌ده خاریجده فعالیت گؤستره‌ن فارس دیل‌لی "مانوتو" تلویزیاسی معلومات یاییب.

"محدودیت آویاسیا بیلدیریشلری واسطه‌سیله تطبیق ائدیلیب و دنیانین ان حساس انرژی و گمی‌چی‌لیک مارشروتلارین‌دان بیرینی احاطه ائدیر"،- معلومات‌دا بیلدیریلیب.

بو، آمریکا پرزیدنتی دونالد ترامپین بؤلگه‌یه داها بیر آمریکا دونانماسینین یولا دوشدویونو اعلان ائتمه‌سی و باشقا بیر حربی گمینین ایرانا دوغرو حرکت ائدتدیینی دئمه‌سین‌دن سونرا باش وئریب.

بیلدیریلیب کی، اسلام رسپوبلیکاسی رسمیلری هله‌لیک بو معلوماتا بیرباشا رسمی جواب وئرمه‌ییب و تعلیمین و یا هوا محدودیتینین دقیق مقیاسی باره‌ده مناسبت بیلدیرمه‌ییب.