علی‌یئو پزشکیانا زنگینده یارانمیش گرگینلیکدن ناراحات‌لیغینی بیلدیردی و آذربایجانین واسطه‌چی‌لیک تکلیفینی تقدیم ائتدی. بو تلفن زنگی ایران اطرافین‌دا حربی سنارینین رئاللیغینی عکس ائتدیرن مقاملاردان بیریدیر. و بو وضعیت باکینی ناراحات ائدیر.

بیرینجی‌سی، ایران‌دا ممکن محاربه رگیون‌دا آذربایجانا دا تأثیر ائده بیلر، بو باخیم‌دان، باکی گرگینلیین آرادان قالدیریلماسین‌دا ماراقلی‌دیر. آذربایجانین قارشی‌دورما طرفلری آراسین‌دا واسطه‌چی‌لیک امکانلاری بؤیوکدور.

ایکینجی‌سی، ایران‌دا حربی قارشی‌دورمادا آذربایجانین هدف کیمی گؤستریلمه‌سی جهدلری وار: بایراموو عراقچییا آذربایجانین "پلاتفورما" اولمایاجاغینی ایضاح ائتدی، آردینجا پرزیدنتین ایرانلی همکارینا زنگی باکییا قارشی کامپانییا فونون‌دا اهمیتلی‌دیر.

علی‌یئوین زنگینی پزشکیانا دستک کیمی ده اوخوماق اولار. آمریکا-یلا قارشی‌دورمادا ممکن سناریلردن بیری (ضعیف احتمال اولسا دا) تئوکراتیک رژیمین آرخا فونا کئچمه‌سی، اداره‌چی‌لیکده پرزیدنت آدمینیستراسییاسینین اؤنه چیخماسی‌دیر. بو حال‌دا ایران داخلینده‌کی گروپلارین مبارزه‌سی پرسپکتیولری یارانیر. و بئله بیر سناریده باکینین دستیی آذربایجانلی پزشکیانین موقعیینی گوجله‌ندیرجک، عینی زمان‌دا، آمریکا باشدا اولماقلا خارجی اویونچولارین رایینه تأثیر ائده بیله‌جک عاملی‌دیر.