ایرانین دینی لیدرینین مشاویری علی شمخانی "المیادین"ا گئنیش مصاحبه‌سین‌ده آذربایجانی تهدید ائدیب.

Axar.az خبر وئریر کی، آمریکانین ایرانا هجوم احتمالین‌دان دانیشان شمخانی مخبرین ایرانین کؤرفز و یا آذربایجان دا داخل اولماقلا، بؤلگه‌ده‌کی بوتون آمریکا بازالارینا ضربه ائندیریب-ائندیرمیجیی ایله باغلی سوالا شمخانی بئله جواب وئریب:

«اولکی محاربه زمانی ایرانین قید اولونان بعضی اراضیلردن تهدید ائدیلدیینی گؤسترن دقیق معلوماتلارا مالک ایدیک. آرتیق صبرلی اولماق لازیم دئییل. بؤلگه‌ده‌کی بعضی طرفلره تمکین گؤسترمیجییمیزی بیلدیردیک و دیگرلرینی سندلشدیریلمیش شکیل‌ده معلوماتلاندیرماق نیتیندییک».

قید ائدک کی، نینکی آمریکانین، هئچ بیر اؤلکه‌نین آذربایجان‌دا حربی بازاسی یوخدور. بونو آذربایجانین قونشوسو اولان ایرانین یوکسک سویه‌لی رسمی‌سی علی شمخانی ده گؤزل بیلیر. اما ندنسه همیشه باشقا بیر خارجی دولتین تجاوزو ایله اوزلشنده ایران رسمیلری آذربایجانی تهدید ائتمیی اؤزلرینه بورج بیلیرلر.