پرزیدنت الهام علیئو ایران اسلام رسپوبلیکاسینین پرزیدنتی مسعود پزشکیانا تبریک مکتوبو عنوانلاییب.

Axar.az مکتوبون متنینی تقدیم ائدیر:

"حرمت‌لی جناب پرزیدنت،

ایران اسلام رسپوبلیکاسینین ملی بایرامی – اسلام انقلابینین غلبه‌سی گونو مناسبتیله سیزی و بوتون خالقینیزی شخصاً اؤز آدیم‌دان و آذربایجان خالقی آدیندان صمیمی-قلب‌دن تبریک ائدیره‌م.

اورتاق دینی-مدنی کؤکلر و مهربان قونشولوق تئللری ایله بیر-بیرینه باغلی اولان خالقلاریمیز و اؤلکه‌لریمیز آراسیندا علاقه‌لرین انکشاف ائتدیریلمه‌سی بیزیم اوچون خصوصی اهمیت داشیییر. سون دورده آذربایجان-ایران مناسبتلرینین دینامیکاسینین آرتماسی ممنونلوق دوغورور.

سیزین کئچن ایل آذربایجانا هم رسمی، هم ده ایشگزار سفرلرینیز دولتلرآراسی مناسبتلریمیزین تاریخینده یئنی صحیفه آچاراق قارشی‌لیقلی فایدالی امکداشلیغیمیزین انکشافینا تکان وئرمیشدیر.

حاضردا ایکیطرف‌لی گوندلییمیزده دوران مسئله‌لرین احاطه دایره‌سی گئنیش‌لنیر و یئنی مزمونلا زنگینلشیر. مختلف سویه‌لرده سفرلرین اینتنسیو کاراکتری، امضالانان سندلر، حیاتا کئچیریلن بیرگه لایحه‌لر، او جمله‌دن دولت کمیسیاسینین ثمره‌لی فعالیتی قارشی‌لیقلی ماراق دوغوران امکداشلیغیمیزین درینلشمه‌سی اوچون الوئریشلی امکانلار یارادیر.

اینانیرام کی، رگیونوموزون تهلوکه‌سیزلییی و رفاهی نامینه آذربایجان-ایران علاقه‌لری و امکداشلیغی دوست و قارداش خالقلاریمیزین منافعلرینه اویغون اولاراق بوندان سونرا دا بیرگه سعیلریمیزله محکمله‌نمه‌یه داوام ائد‌جکدیر.

بئله بیر علامتدار گونده سیزه محکم جان‌ساغلیغی، خوشبختلیک، ایشلرینیزده اوغورلار، دوست و قارداش ایران خالقینا دایم امین-آمانلیق و فراوان‌لیق آرزولاییرام".