موجود چاتیشمازلیقلارا گؤره نجیب ملتیم‌دن عذر ایستییرم. بوتون بو پروبلملری گوج و قطعیتله حل ائتمک اوچون بوتون قلبیمیزله و جانیمیزلا چالیشیریق.

Axar.az خبر وئریر کی، بونو ایران پرزیدنتی مسعود پزشکیان ۱۹۷۹-جو ایل اسلام انقلابینین ایل دؤنومو ایله باغلی دانیشارکن دئییب.

«بیز اعتراضلاری آلقیشلاییریق. اعتراضی بیر نعمت حساب ائدیریک. بو اعتراضلاری دینله‌مک بورجوموزدور.

لاکین داغینتی، واندالیزم، قتل و یانغینلاردان ایره‌نیریک. هئچ بیر اصل ایران‌لی باشقا بیر ایرانلینی اؤلدورمک اوچون سلاح گؤتورمور. هئچ بیر ایران‌لی مسجد یاندیرمیر. هئچ بیر ایران‌لی اجتماعی نقلیاتی و یا اجتماعی املاکی یاندیرمیر.

هئچ بیر ایران‌لی یاد بیریندن بو اؤلکه‌یه، اونون تورپاغینا و یا سولارینا هجوم ائتمه‌سینی ایستمز. هئچ بیر آزاد انسان دوشمن‌دن گلیب داخلی پروبلمی حل ائتمه‌سینی ایستمز. اوتوروب اؤز پروبلملریمیزی اؤزوموز حل ائدجییک.

بو مسئله‌لری حل ائتمه‌یه بوتون وارلیغیمیزلا حاضریق. اما یانغینلا، یاندیرما ایله و یا یالان و یانلیش شایعه‌لر یایماقلا یوخ»، - او بیلدیریب.