ایران‌دا اعتراضچیلارا قارشی رپرسیالارین گئنیشله‌نمه‌سی و مینلرله انسانین اؤلدورولمه‌سینه اعتراض اولاراق آوروپادا یاشایان ایران‌لی مهاجیلر آلمانیانین پایتختی برلین شهرینده ازدهام‌لی آکسیا کئچیریبلر.

Axar.az خبر وئریر کی، بو باره‌ده بریتانییانین "لوندون‌دا اکسپرس" نشری معلومات یاییب.

معلوماتا گؤره، ایران مقاومت شوراسینین تشکیلاتچی‌لیغی ایله آلمانیانین براندنبورگ قاپی‌سی قارشی‌سین‌دا کئچیریلن بؤیوک آکسیادا۱۰۰ مین‌دن چوخ نمایش‌چی اشتراک ائدیب.

بیلدیریلیب کی، بو، ایندییه قدر ایران خارجین‌ده ایرانلیلارین دموکراتیا طلبی ایله کئچیردیکلری ان بؤیوک نمایشی اولوب.

"لوندوندا اکسپرس"ین بیلدیردیینه گؤره، میتینگده ایران ملی مقاومت شوراسینین رهبری مریم رجوی چیخیش ائدیب.

او، چیخیشین‌دا ۱۰ ماده‌دن عبارت بیر پلان تقدیم ائدیب. بو پلان آزاد و عدالتلی سئچکیلری، دینی دولت ایشلریندن آیریلماسینی، قادین و کیشی برابرلیینی و نووه سلاحیندان امتنانی وعد ائدیب.

بونونلا یاناشی میتینگده بیر نئچه خارجی سیاست‌چی، او جمله‌دن آمریکاننین کئچمیش دولت کاتیبی مایک پومپئو دا چیخیش ائدیب.

او، ایران خالقینین حاکم رژیمی دییشمک ایدئیا و عزمینی تقدیر ائدیب، بونون رئاللاشماسی اوچون خالق حرکاتینا دستک وئریلمه‌سینی، تهران رژیمی و اونون رپرسییا مکانیزملریندن بیری اولان سپاه-آ قارشی تضییقلری آرتیرماغین واجیبلیینی وورغولاییب.

همین میتینگده ایران‌دا یاشایان غیری-فارس خالقلارین، او جمله‌دن آذربایجان‌لیلارین مبارزه سیمووللاری (بایراقلاری) دا قالدیریلیب.

بو، پانفارسیست جریانین، خصوصاً رضا پهلوییه یاخین اولان مئدیا قوروملاری و تشکیلاتلارین غضبینه سبب اولوب.

بوندان سونرا رضا پهلوی فورالین ۱۴-ده مونحن، لوس-آنجلس و تورونتودا کئچیریلمه‌سی پلانلاشدیریلان میتینگده باشقا بایراقلارین و سیمووللارین نماییش ائتدیریلمه‌مه‌سی طلبی ایله باغلی بیانات یاییب.