اسرائیل مدافعه قوه‌لری (چاخال) بیروتون مرکزین‌ده «ترور اینفراستروکتورلاری»نا گوجلو ضربه‌لر ائندیرمه‌یه داوام ائدیر.

Axar.az خبر وئریر کی، بو باره‌ده چاخال معلومات یاییب.

«هجوملار زمانی هوا و دنیزدن عمومی‌لیک‌ده تخمیناً ۲۰۰ دؤیوش سورساتیندان استفاده اولونوب.

ضربه ائندیریلن هدفلر آراسین‌دا ترور اینفراستروکتورلاری، سلاح آنبارلاری، مرکزی قرارگاهلار و بیروت‌داکی سپاه حربی هاوا قوه‌لرینین قرارگاهی اولوب. ایندیدک بیروت بؤلگه‌سینده، حزبوللاهین ترور مقصدلری اوچون استفاده ائتدیی بینالار دا داخیل اولماقلا، تخمیناً ۷۰ هدف وورولوب.

ضربه‌لر زمانی بؤلگه‌ده بیر نئچه اساس ترورچو - ادهام آدنان ال-اوتمان (لیوان استقامتین‌ده فلسطین اسلامی جهاد تشکیلاتینین کوماندیری)، زاید علی جمعه (حزبوللاه تشکیلاتینین آتش گوجو سیستمینه جوابده شخص و جنوبی لیوان‌دا آرتیلریا کوماندیری) و سپاه-ین قدس قوه‌لرینین لیوان کورپوسو و فلسطین کورپوسون‌دا خدمت ائد‌ن بئش یوکسک روتبه‌لی کوماندیر اؤلدورولوب»، - معلوماتدا بیلدیریلیب.