بلچیکا فدرال پلیسی سینت-ترودن شهرین‌ده ۵۲ یاش‌لی ایران‌لی قادینی ترورا چاغیریش و تهدید مئساژلاری پایلاشماق اتهامی ایله حبس ائدیب.

Axar.az خبر وئریر کی، بو باردبلچیکا فدرال پلیسی معلومات یاییب.

اونون ۲۶ یاش‌لی اوغلونون دا عینی ایش اوزره حبس ائدیلیب.

لیمبورگ پروکورورلوغو قادینین سوسیال مئدیادا زوراکی‌لیق و هجوم تؤرتمه احتمالیندان بحث ائد‌ن مساژلار پایلاشماقدا شبهه‌لی بیلیندیینی بیلدیریب.

کیم‌لییی آچیقلانمایان ایران‌لی قادین تیک توک-دا یئرلشدیریلن ویدئولارا خامنه‌اینین امرینه حاضر اولدوغونو بیلدیریب:

"اگر رهبر فتوا وئررسه، اللها آند ایچیره‌م کی، اؤزومه قومبارا باغلامالی اولسام بئله جانیمی وئره‌جه‌یه‌م".

بیلدیریلیر کی، اونون تهدید مئساژلاری آوروپادا یاشایان و اسلام رسپوبلیکاسینا قارشی آچیق اعتراض ائد‌ن ایران‌لیلارا قارشی یؤنلیب.

ویدئولاردا او، اسرائیل و یا آمریکا بایراقلاری ایله میتینقلرده اشتراک ائد‌ن و ایران حکومتینی تنقید ائد‌ن انسانلاری هدف آلیب.

پروکورورلوغون معلوماتینا گؤره، "هجوم حیاتا کئچیرمکله هده‌له‌مه" و "هجوم حاقین‌دا یالان خبر یایما" اتهاملاری ایله باغلی استنتاق آپاریلیر. هر ایکی شبهه‌لی حاضردا حبس‌ده‌دیر.