ایران اسلام رسپوبلیکاسینین مکزیکاداکی سفیری ابولفضل پسندیده فیفا-یا ایران ملی کومانداسینین ۲۰۲۶-جی ایل دنیا کوبوکوندا یاریشاجاغی مکانین آمریکادان مکزیکایا کؤچورولمه‌سینی تکلیف ائدیب.

Axar.az خبر وئریر کی، بو باره‌ده ایرانین "انتخاب" سایتی معلومات یاییب.

معلوماتا گؤره، ابولفضل پسندیده فیفا-نین مکزیکانین ملی کماندایا ائو صاحب‌لییی ائده بیلمه‌سی اوچون "مداخله ائتمه‌لی" اولدوغونو بیلدیریب:

"چونکی آمریکا حکومتی "ایران ملی فوتبول کومانداسینا ویزا و لوژستیک دستک وئرمکده امکداشلیق ائتمه‌ییب".

اسلام رسپوبلیکاسینین مکزیکاداکی سفیری علاوه ائدیب کی، ایران "هله‌لیک ۲۰۲۶-جی ایل دنیا کوبوکوندا اشتراک ائتمک ایستمدیینی آچیقلاماییب".

آمریکا پرزیدنتی دونالد ترامپ بوندان اول "تروته سوجیال" شبکه‌سین‌ده ایرانلی فوتبولچولارین دنیا کوبوکوندا اشتراکی ایله باغلی پایلاشیم ائتمیشدی:

«ایران ملی فوتل کومان‌داسینین دنیا کوبوکوندا اشتراکی قاداغان دئییل، آنجاق من اونلارین اورادا اولماسینین حیاتلاری و تهلوکه‌سیزلییی اوچون ان یاخشی واریانت اولدوغونا اینانمیرام»

دونالد ترامپین شرحلریندن اول اسلام رسپوبلیکاسینین ایدمان و گنجلر ناظری «ملی کوماندانین دنیا کوبوکونا گؤندریلمه‌سینین ممکنلویو» ایله باغلی شبهه‌لرینی بیلدیرمیشدی.

قید ائدک کی، فیفا-نین پلانینا اساساً ایرانین بلچیکا، مصر و یئنی زلندیا کماندالارینا قارشی بوتون گروپ مرحله‌سی اویونلاری آمریکادا کئچیریله‌جک.