اصلینده، ترامپین ناتو-نو محاربه‌یه داخل ائده بیلمیی اوچون بیرباشا ناتو-یا تهدید یاراداجاق محاربه وضعیتی اولمالیدیر. بیلیرسینیز کی، او، تورکیه‌یه اشاره ائدیر. سون ایکی هفته ایچینده تورکیه هوا مکانین‌دا ۳ راکت وورولوب. خارجی ایشلر ناظیری هاکان فیدان ایرانی گناهلان‌دیرماق ایسته‌مه‌دی، اما دئدی کی، راکتلرین چیخیش نقطه‌سی ایران‌دیر.

بو سؤزلری Axar.az-آ آچیقلاماسین‌دا تورکیه‌لی پولیتولوق ائنگین اؤزر آمریکا پرزیدنتی دونالد ترامپین ناتو-یا اولتیماتوم وئره‌رک هرمز بوغازینا حربی گمیلر گؤندرمه‌یی طلب ائتمه‌سی باره‌ده دانیشارکه‌ن دئییب.

اونون سؤزلرینه گؤره، ناتو عضولری ۵-جی ماددنین تطبیق اولونماسینی مذاکره ائده بیلر:

«راکتلرین هجوم هدفلریندن بیری اینجیرلیک آویابازاسی‌دیر، دیگری ایسه مالاتیاداکی کورجیک رادار کمپلکسی. اینجیرلیک بازاسی آمریکالی و اینگیلیسلرین اورتاق ایشلتدیی یئردیر، کورجیک ده ناتو-نون ائرکه‌ن پروفیلاکتیکا سیستمی‌دیر.

بئله باخان‌دا ایندی ناتو-دا ۵-جی ماددنین تطبیق اولونماسی اوچون لازم‌لی شرطلر فورمالاشیب. تورکیه ایسه محاربه‌نین داها دا بؤیومه‌مه‌سی اوچون بو پروسسی دایاندیریر. تورکیه بو مسئله‌نین دیپلماتیا یولو ایله حل اولونماسی اوچون ناتو-یا تضییق گؤستریر.

حتی هاکان فیدان دا چیخیشیندان سونرا «نه اولدوغونون فرقیندییک، اما دؤزوروک» طرزینده آچیقلاما وئرمیشدی. ناتو ساواشا گیره‌جک کیمی گؤرونور. یقین کی، بونو تورکیه اوزریندن ائتمه‌یه چالیشاجاقلار. دئدییم کیمی، آنکارا هله مبارزه آپاریر. لاکن گله‌جک آیلاردا، بؤیوک احتماللا، ناتو محاربه‌یه داخل اولاجاق».