ایرانین خاریجی ایشلر ناظری عباس عراقچینین مسکوادان سونرا پکینه سفری اؤلکه‌سینین ایکی طرفداشیندان تهرانا دستیین آرتیریلماسی گؤزلنتی‌سی ایله باغلی‌دیر. اوکراینایا قارشی اشغال‌چی محاربه روسیانین رسورسلارینی توکندیرمک اوزره‌دیر. بو سبب‌دن روسیانین ایرانا دستیی آرتیرماسی امکانلاری محدوددور. بو وضعیت‌ده ایرانین دیگر طرفداشی چین‌دن گؤزلنتیسی آرتیب.

Axar.az خبر وئریر کی، بو باره‌ده پولیتولوگ الخان شاهینوغلو یازیب.

«پکین ایرانین آمریکایا مغلوب اولماسینی انگلله‌مه‌یه چالیشیر. پکین‌ده همکارییلا گؤروشن چینین خارجی ایشلر ناظری وان یینین «چین ایرانین اعتبارلی استراتژی طرفداشی‌دیر» آچیقلاماسی واشینگتنا مئساژدیر. وان یی بیلدیریب کی، پکین تهرانلا سیاسی اعتمادی داها دا گوجلندیرمه‌یه و مختلف ساحه‌لرده قارشی‌لیقلی فایدالی امکداش‌لیغی گئنیشلندیرمه‌یه حاضردیر. وان یی ایکی اؤلکه رسمیلری آراسین‌دا تماسلارین داوام ائتدیریلمه‌سینین واجیبلیینی وورغولاییب.

پکین واشینگتن و تل-اویودن فرق‌لی اولاراق، ایرانین نووه سلاحی الده ائتمه‌یه چالیشماسینا اینانمیر. بونو وان یینین «چین ایرانین نووه سلاحی حاضرلاماق‌دان امتنا عهده‌لیینه صادقلیینی یوکسک قیمتلندیریر و اونون نووه انرژیسین‌دن دینج مقصدلرله استفاده ائتمک حقوقونو تانیییر» سؤزلری ده تصدیق ائدیر. تصادفی دئییل کی، چین ب.ام.ت تهلوکه‌سیزلیک شوراسینین دایمی عضوو کیمی وتو حقوقون‌دان استفاده ائد‌رک بو بین‌الخالق تشکیلات‌دا ایرانا قارشی قطعنامه‌لرین قبولونون قارشی‌سینی آلیر.

پکین ایرانا هرطرف‌لی دستیینی داوام ائتدیرمه‌سینه باخمایاراق، تهرانین واشینگتنلا دانیشیقلار یولو ایله مسئله‌لرین حلینه اوستونلوک وئرمه‌سینی ایستییر. البته، پکین بو زمان واشینگتنون تهرانا تضییقینی ده قبول ائتمیر. بوتون حاللاردا هرمز بوغازی اطرافینداکی گرگینلیین داوامی چینین ماراقلارینا ضیددیر. چین ایران و کؤرفز اؤلکه‌لرینین انرژی رسورسلارینی و مینرال زنگین‌لیکلرینی نقل ائتمک‌دن محروم اولوب. پکین بؤلگه‌ده‌کی گرگینلییه قدر نفته اولان طلباتینین یاریدان چوخونو هرمز بوغازی اوزریندن الده ائدیردی. موجود وضعیت چین اقتصادیاتینا منفی تأثیر ائدیر. واشینگتن بو سبب‌دن پکینین ایران‌داکی رژیمه تأثیر ائتمه‌سینی ایستییر کی، هرمز بوغازی محاربه‌دن اول اولدوغو کیمی بوتون دولتلرین گمیلرینه آچیق اولسون»، - او بیلدیریب.
پولیتولوق قید ائدیب کی، پکینین بو مسئله‌نین حلین‌ده‌کی رولو آمریکا پرزیدنتی دونالد ترامپین بیر نئچه گوندن سونرا چینه پلانلاشدیریلان سفرینه ده مثبت تأثیر ائده بیلر:

«آنجاق پکین هرمز بوغازینین آچیلماسینی ایسته‌سه ده، آمریکانین بوغازی بلوکادادا ساخلاماسی سیاستینی قطعیتله رد ائدیر. اونا گؤره ده پکین واشینگتنون ایستیی ایله بیرطرف‌لی قایدادا تهرانا تضییق ائتمه‌یه‌جک. چونکی چین حاکمیتی دوشونور کی، هرمز بوغازییلا باغلی پروبلمین قارشی‌لیق‌لی گذشتلرله حلی ممکن‌دور. تهرانلا واشینگتن ایسه بوغازلا باغلی قارشی‌لیق‌لی گذشتلره هله کی، حاضر دئییللر».