ایسوئچ ناتو-نون دنیز مدافعه‌سینده داها بؤیوک رول اویناماق مقصدیله فرانسانین «ناوال گروپ سا» شرکتیندن ۵ میلیارد دلار دیرینده دؤرد یئنی فرقات آلاجاق.

Axar.az خبر وئریر کی، بو باره‌ده «بلومبرگ» معلومات یاییب.

معلوماتا گؤره، گمیلر «لورینت» گمی‌قاییرما زاوودوندا انشا ائدیله‌جک:

«ایلک تداروکلره ۲۰۳۰-جو ایلده باشلاماق پلانلاشدیریلیر. دؤرد یئنی فرقات الده ائتمک پلانی، ایندییه قدر اساساً کیچیک گمیلرله اؤز قایالی و دایاز ساحل خطینی پاترول ائتمه‌یه دقت یئتیرن ایسوئچ حربی دنیز قوه‌لرینین آمبیسییالارینین گئنیشله‌نمه‌سینی گؤستریر. یئنی امکانلار ایسوئچین آچیق دنیزلرده داها آکتیو رول اویناماسینا، شمال، آرالیق و قیرمیزی دنیز کیمی سولاردا میسیالار یئرینه یئتیرمه‌سینه امکان وئرجک».