حاضردا تهرانین اوین حبسخاناسین‌دا ساخلانیلان ملی فعال و سیاسی محبوس عباس لیسانی، یوسف کاری و گیروو قارشیلیغیندا سربست بوراخیلمیش علی خیرجو و بهزاد دشتی انقلاب محکمه‌سینه چاغیریلیبلار.

Axar.az خبر وئریر کی، بو باره‌ده لیسانی و کاری عائله‌لری ایله قیسا تلفن دانیشیغی زمانی بیلدیریبلر.

اونلارین سؤزلرینه گؤره، الکترون پوچت واسطه‌سیله گؤندرلن چاغیریش مکتوبوندا فعاللاردان مایین ۳۰-او یئرلی واختلا ساعت ۰۹:۳۰-دا تهران انقلاب محکمه‌سینین ۲۸-جی بؤلمه‌سین‌ده اولمالاری ایستنیلیب.

بونون، باره‌لرین‌ده ایر‌لی سورولن اتهاملاری آراشدیرماق اوچون اولدوغو قید اولونوب.

عباس لیسانی و یوسیف کاری اولجه‌دن پلانلاشدیریلمیش و عدالت‌سیز محکمه شووسوندا اشتراک ائتمه‌یه‌جکلرینی بیلدیریبلر.

قید ائدک کی، عباس لیسانی، علی خیروجو، بهزاد دشتی و یوسف کاری ۱۱ نیابر ۲۰۲۵-جی ایلده تهران‌دا اوین حبسخاناسینین قارشی‌سیندا آجلیق آکسیاسی کئچیره‌ن آذربایجان‌لی محبوس فعاللارا دستک اوچون اوتوراق آکسیا کئچیردیکلری واخت حبس ائدیلیبلر.

اونلارا قارشی "قانون‌سوز گروپا عضو اولماق"، "اؤلکه‌نین ملی تهلوکیسیزلیینه قارشی توپلاشماق و البیر اولماق" و "اجتماعی آسایشی پوزماق" اتهاملاری ایر‌لی سورولوب.