باکو تی.وی ناخچیوان مختار رسپوبلیکاسین‌دا فعالیت گؤستره‌ن اؤلکه‌ده‌کی یگانه عقرب فرماسی ایله باغلی رپورتاژ حاضرلاییب.

Axar.az خبر وئریر کی، بورادا عقربلر خصوصی اصوللارلا یئتیشدیریلیر، زهرلری ایسه لابوراتوریا شرایطینده توپلاناراق ساتیشا چیخاریلیر.

فرمانین ایشچیلریندن بایرام بابایئو بیلدیریب کی، هر ۱۵-۱۷ گوندن بیر ساغما آپاریلیر و زهر الده ائدیلیر.

"اونلارین قیداسی اون قوردودور، اونو دا بیز اؤزوموز یئتیشدیریریک. تمپراتور ۲۶ درجه اولمالیدیر، یای-قیش فرق ائتمیر. عقربلر قارانلیقدا قالماغی سئویر و اونلار ناخچیوان اراضی‌سیندن توپلانیب"، - دئیه او بیلدیریب.

قید ائدک کی، عقربلر اساساً زهر مقصدیله یئتیشدیریلیر و بو ماده طب و کوسمتولوگییادا سون درجه قیمتلی خام‌مال حساب اولونور. عقرب زهری گوجلو آغری کسیجی، آنتی‌بیوتیک و خرچنگ علیه‌ینه خصوصیتلره مالک‌دیر. معلوماتلارا گؤره، بیر لیتر عقرب زهرینین بازار قیمتی تخمیناً ۱۰ میلیون دلاردیر.