آوروپا پارلامنتی مایین ۲۱-ده ایستراسبورگدا ایران‌دا اعتراضچیلارین رپرسیاسینا، سیاسی محبوسلارین اعدامینا و دینی آزلیقلارا قارشی تضییقلره قارشی بیرگه قطعنامه قبول ائدیب.

Axar.az خبر وئریر کی، بو باره‌ده آوروپا پارلمانی معلومات یاییب.

۵۱۶ سسه لهینه و ۱۴ سس علیهینه اولماقلا قبول ائدیله‌ن قطعنامه، ایران حکومتینی رپرسییالارین آرتماسینا، اؤلوم حکمونون تطبیقینه و اینترنته قویولان محدودیتلره گؤره سرت قیناییب.

قطعنامه‌ده آوروپا پارلامنتینین عضولری اعداملارین درحال دایاندیریلماسینا و سیاسی محبوسلارین آزاد ائدیلمه‌سینه چاغیریبلار.

بونونلا یاناشی قطعنامه‌ده اعتراضچیلارا، سیاسی مخالفلره، وطنداش جمعیتی فعاللارینا و دینی آزلیقلارا قارشی رپرسییالار آچیق شکیل‌ده پیسلنیب و اسلام رسپوبلیکاسی حاکمیتینی انسان حاقلارینین پوزولماسینا گؤره جوابده اولماغا چاغیریب.

آوروپا پارلامنتینین عضولری همچینین ایران‌دا اعداملارین سایینین آرتماسینا اشاره ائد‌رک، اؤلوم حکمونون قورخو یاراتماق و سیاسی اعتراضلارین قارشی‌سینی آلماق اوچون بیر واسطه کیمی استفاده‌سینه قارشی خبردارلیق ائدیبلر.