ارمنستان مدافعه ناظرلییی بو گونلرده اؤلکه‌یه قاییدان وطنداشلارا ۲۵ گونلوک حربی تعلیم‌ده اشتراک ائتمک اوچون چاغیریش ورقه‌لری گؤندریلدیی باره‌ده فاکتی تصدیقله‌ییب.

Axar.az خبر وئریر کی، بو باره‌ده ارمنستان مطبوعاتی معلومات یاییب.

معلوماتا گؤره، چاغیریشلار اساساً روسیادان قاییدان ارمنیلره عایددیر:

«حربی پلیس قانونلا اونا وئریلن صلاحیتلر چرچیوه‌سین‌ده ارمنستان رسپوبلیکاسینین سرحد منطقه‌لری ده داخیل اولماقلا، اؤز وظیفه‌لرینین یئرینه یئتیریلمه‌سینی تعمین ائتمک مقصدیله حربی خدمته جلب اولونموش وطنداشلارین قئیدیاتی، اونلارین مجبوری حربی خدمته چاغیریلماسی و احتیاط‌دا اولانلارین تعلیم فعالیتلرینه جلب ائدیلمه‌سی پروسسین‌ده حربی کمیسارلیقلارا دستک گؤسترمه‌یه یؤنلمیش خدمت حیاتا کئچیریر».

قید ائدک کی، ارمنی بلوگر ناتالی آلکسانیان روشوت مقابلین‌ده سس وئرمک اوچون روسیادان ارمنستانا گلنلرین بعضیلرینین ارمنی حقوق-محافظه اورگانلارینین امکداشلاری طرفین‌دن ساخلانیلدیقلارینی، بعضیلرینین ایسه ۲۵ گونلوک تعلیم دوشرگه‌لرینه گؤندریلدیکلرینی یازمیشدی.