اقلیم اوزره تدقیقاتلار یاخین ایللرده خزر دنیزینده سو سوییه‌سینین آزالماسینین داوام ائده بیلجه‌یینی گؤستریر.

Axar.az خبر وئریر کی، بونو روسیانین هیدرومتورولوژی تدقیقاتلار مرکزینین تدقیقاتچی‌سی النا اوستروسکایا بیرلشمیش ملتلر تشکیلاتی-نین اطراف محیط پروگرامی ایله طرفداشلیق چرچیوه‌سینده باکیدا کئچیریله‌ن ۵ ایون – عموم‌دنیا اطراف محیط گونونه حصر اولونان تدبیرده باش توتان "خزر دنیزی دؤنوش نقطه‌سینده: دنیز سوییه‌سینین آزالماسی و رگیونال فعالیت اوزره علمی-آنالیتیک مذاکره" آدلی یان تدبیرده دئییب.

او بیلدیریب کی، خزر دنیزینین سوییه‌سینین دییشمه‌سی طبیعی پروسسدیر و تاریخ بویو بو حال دفعه‌لرله باش وئریب.

"مختلف دورلرده سو سوییه‌سینین هم آرتماسی، هم ده آزالماسی مشاهده اولونوب. استانسیالاردا آپاریلان اؤلچمه‌لر گؤستریر کی، سون ۲۰۰ ایللیک دورده ده سو سوییه‌سینده ائنمه‌لر و قالخمالار قیده آلینیب"، - او، وورغولاییب.