استاتیستیکا گؤستریر کی، سون اون ایلده ایران خالچا اخراجین‌دا ۹۸ فایز آزالما مشاهده اولونوب.

Axar.az خبر وئریر کی، بو حاق‌دا ایرانین "روکنا" خبر آگنت‌لییی معلومات یاییب.

رسمی استاتیستیکایا استنادا بیلدیریلیب کی، اؤتن ایل ایران خالچا اخراجینین حجمی ۴۲ میلیون دلاردان آشاغی اولوب. بو رقم اون ایل اول ۴۰۰ میلیون دلار، ۹۰-جی ایللرده ایسه ۲ میلیارد دلار اولوب.

حسابات‌دا علاوه اولونور کی، ۲۰۱۸-جی ایلده سانکسیالارین گئری قایتاریلماسیندان سونرا ایران خالچالاری اساس بازاری اولان آمریکادان سیخیشدیریلیب و حاضردا رقیبلرین تضییقی، والیوتا سیاستی، توریزمین آزالماسی و داخلی آلیجی‌لیق قابیلیتینین آزالماسی آلتین‌دا یاشاماق اوغروندا مبارزه آپاریر.

ایران خالچا اخراجینین آزالماسی ایله عینی واختدا تورکییه اؤتن ایل ۱۸۲ اؤلکه‌یه تخمیناً ۳ میلیارد دلار دیرین‌ده خالچا اخراج ائدیب. بونون دا تخمیناً ۲۰۰ میلیون دلاری ال ایشی خالچالار و کیلیملر اولوب.

تورکییه‌نین خالچا اخراج بازارینین اوچده بیری آمریکادا، دئمک اولار کی، عینی مقداردا ایسه سعودیه عربستانی و عراق‌دادیر.