آذربایجان دولتچیلیینین کاراکترینی بیز ۴ استقامتده-مرحله‌ده گؤتوره بیلریک. بیرینجی استقامت آذربایجان دولتینین قورولماسیدیر. بو قورولوشون دا اساس ماهیتی بیزیم دولتچیلیین تملینین آتیلماسی اولوب.

ایکینجی‌سی، آذربایجاندا ملی دولتچیلیک شعورونون دیرچلمه‌سینه خدمت ائد‌ن ملی دیرچلیش مرحله‌سیدیر. بو دا ملی آزادلیق حرکاتی ایله باغلیدیر. مرحله‌نین سونو ایسه آذربایجان مستقللیینین برپا اولونماسی ایله یکونلاشیب.

اوچونجوسو، ملی قورتولوش - برپا اولونموش مستقللیین قورونماسی، اونون تهلوکه‌دن قورتاریلماسیدیر و بو، بلاواسطه حیدر علی‌یئوین خدمتی و اونون حاکمیته گلیشی ایله باغلی مسئله‌دیر.

دؤردونجوسو ایسه آذربایجان دولتینین قورتولوشدان سونراکی قورولوش دؤنه‌میدیر کی، بو دا دولت باشچی‌سی ایلهام علییئوین و اونون رهبرلیی آلتیندا قاراباغین اشغالدان آزاد اولونماسیندان سونرا باشلایان و بو گون ده داوام ائد‌ن پروسسدیر.

بو سؤزلری Axar.az-آ آچیقلاماسین‌دا ملت وکیلی فاضل مصطفی بیلدیریب.

ف. مصطفینین سؤزلرینه گؤره، مرحله‌لری آرد-آردا سادالادیقجا آذربایجان دولتینین بوتؤولویونو و گلدیی تاریخی استقامتلری داها دریندن آنلایا بیلریک:

«حساب ائدیرم کی، ملی قورتولوش گونو ده آذربایجانین سووئرنلیینین تام معنادا برپا اولونماسینا گتیرن یولون باشلانغیجیدیر. بو تاریخ و بو زمین اولماسا، تورپاقلاریمیزی اشغالدان آزاد ائتمک چوخ چتین و ممکنسوز اولاردی.

بونا گؤره ده بو مرحله‌لرده خدمتی اولان هر بیر لیدریمیز، وطنداشیمیز و آذربایجانلیمیز بیزیم اوچون بیر دیردیر. ملی قورتولوش گونو ده آذربایجان دولتینین بؤیوک بیر تهلوکه‌دن خلاص اولونماسی تاریخی کیمی یادداشلاردا قالاجاق. بو سببله ده دولتیمیز و جمعیتیمیز بو حادثه‌نی ان اهمیتیلی حادثه‌دن بیری کیمی قید ائدیر».

ملتوکیلی وورغولاییب کی، بوتؤولوکده حیدر علی‌یئوین قوردوغو سیستم و دیپلماتیک قابلیت بوتون پروسسلرده نتیجه‌لرین آذربایجانین خیرینه حل اولونماسین‌دا، همچنین قاراباغین ده-یوره آذربایجاندان آلینماسی جهدینین قارشی‌سینین آلینماسیندا مستثنا رول اوینادی.