پوتیندن سونرا حاکمیتین کیمه کئچجه‌یی بیر سئچکی یوخ، سیستم داخلینده بالانس مسئله‌سیدیر. بونا گؤره ده هر نامزدین شانسی اونون پوپولیارلیغی ایله یوخ، سیستم‌ده‌کی چکیسی ایله اؤلچولور.

Axar.az خبر وئریر کی، بو باره‌ده آراشدیرماچی-ژورنالیست ائلبیی حسنلی قید ائدیب.

او، ان رئال و ان گوجلو نامزدلردن بیرینین ۳۰% ریتینگله نیکولای پاتروشئو اولدوغونو وورغولاییب:

«او، تهلوکه‌سیزلیک آپاراتینین ایچیندن گلیر و پوتینه ایدئولوژی اولاراق چوخ یاخیندیر. اونون اوستونلویو سیستمین «درین دولت» حصه‌سینی تمثیل ائتمه‌سیدیر. اگر حاکمیت سرتلشمه خطینی سئچرسه، ان بؤیوک شانس اونون طرفینده‌دیر».

اونون سؤزلرینه گؤره، ایکینجی رئال نامزد ۲۵% ریتینگله باش ناظیر میخایل میشوستیندیر:

«تخنوکرات و کمپرومیس فیگور. اگر ائلیتا ثابتلیک و اقتصادی بالانس ایسته‌سه، اونون شانسی جدی شکلده آرتار. او، مناقشه یاراتمایان، اداره ائد‌ن تیپ لیدردیر.

سیستم اوچون تانیش و تهلوکه‌سیز فیگور ۱۵% ریتینگه صاحب دمیتری مدودیئودیر. اما اساس پروبلم بودور: مستقل لیدر کیمی قبول ائدیلمیر. اونون شانسی یالنیز بیر حال‌دا آرتیر: آرخا پلاندا باشقا گوج مرکزی قالارسا.

سرگی سوبیانین – ۱۰%

رگیونال و اداره‌چیلیک گوجو اولان فیگور! مسکوا اوزرینده نظارت بؤیوک اوستونلوکدور. اما اونون پروبلمی ملی سوییه‌ده ضعیف سیاسی چکیدیر.

سرگی لاوروو – ۱۰%

دیپلماتیک فیگور و کئچید واریانتی. اگر سیستم غربله مناسبتلری یومشالتماق ایسته‌سه، بو واریانت گوندمه گله بیلر. اما اوزون‌مدتلی لیدر اولماسی چتین گؤرونور.

دیگر (نامعلوم فیگور) – ۱۰%

ان چوخ گؤزآردی ائدیله‌ن، اما رئال واریانتلاردان بیری. کرملین داخلینده گئنیش تانینمایان، اما سیستم اوچون اویغون بیر فیگور اؤنه چیخا بیلر.

تاریخده بو چوخ اولوب.

عمومی منظره بئله‌دیر. فایزلر دییشه بیلر. اما استقامت آیدیندیر: تهلوکه‌سیزلیک بلوکو و یا تخنوکرات بالانسی.

بو او دئمکدیر کی: پوتیندن سونرا گلن لیدر یا سرت خطی داوام ائتدیرجک، یا دا سیستمی قورویاراق یومشالداجاق.

ان یوکسک احتمال ایکی مدلدیر:

۱. سرت تهلوکه‌سیزلیک لیدری

۲. کمپرومیس تخنوکرات

اما هر ایکی حالدا دییشمه‌یه‌ن بیر شی وار: سیستم قالیر.

غرب اوچون ایسه اساس مسئله کونکرت شخصدن چوخ داورانیش مدلیدیر. اونا گؤره ده غرب ان چوخ میخایل میشوستین تیپلی تخنوکرات و یا سرگی لاوروو کیمی پراگماتیک، اداره‌اولونان و پروگنوزلاشدیریلا بیله‌ن فیگورون گلمه‌سینی ایستیر. بئله لیدر محاربه‌نی گئنیشلندیرمز، اقتصادی ثابتلیی قوروماغا چالیشار و غربله مناسبتلری تام نرماللاشدیرماسا دا، ان آزی اداره اولونان سوییه‌یه ائندیرر. غرب اوچون ان آرزواولونماز سسناری ایسه نیکولای پاتروشئو کیمی سرت تهلوکه‌سیزلیک خطینین حاکمیته گلمه‌سیدیر، چونکی بو، قارشیدورمانین داها دا درینلشمه‌سی دئمک اولاردی.

پوتیندن سونرا کیم گله‌جک سوالینین جوابی وار، اما داها واجب سوال هله آچیقدیر: کیمین گلمه‌سیندن آسیلی اولمایاراق، نسه دییشه‌جکمی؟..»