اسرائیل حکومتینین قوندارما «ارمنی سویقیریمی»نی تانیماسی مسئله‌سینده صمیمی‌لیک عاملی مینیموم سویه‌ده‌دیر، بو، هومانیتار و یا دیرلره اساس‌لانان یاناشما دئییل، موجود تورکییه-اسرائیل مناسبتلرینین طبیعتینه اساس‌لانان سویوق، سیاسی و پراگماتیک حسابلامادیر.

Axar.az خبر وئریر کی، بونو ارمنی پروفسور و تورکولوق روبن ملکونیان دئییب.

«اسرائیل محض آنکارا ایله مناسبتلرین گرگینلشدیی بیر واخت‌دا، گلوبال مدیادا آژیوتاژ یاراداراق، قوندارما «ارمنی سویقیریمی» مسئله‌سینه دقت چکیر. دوشونوره‌م کی، بو قرارا یاناشمامیز ممکن قدر تمکین‌لی اولسایدی، دوزگون اولاردی، خصوصاً ده اسرائیل پارلامنتی طرفیندن هله تصدیقلنمدیی اوچون. ارمنستان ایسته‌نیلن کونفیقوراسییا و ایسته‌نیلن مسئله‌نین کونتکستین‌ده ماهیت اعتباریله حل ائدیجی عامل دئییل. یعنی، اسرائیل قبول ائتسه ده، ائتمه‌سه ده، تانیسا دا، تانیماسا دا، ارمنستان بو اویوندا دئییل. حاضرکی وضعیت‌ده قوندارما «ارمنی سویقیریمی»نین تانینماسی مسئله‌سی ارمنستان-تورکییه مناسبتلرینه تأثیر گؤستره بیلمه‌یه‌جک»، - او بیلدیریب.

ملکونیان استثنا ائتمیر کی، ایروانین سوسقونلوغو تکجه داوام ائتمه‌یه‌جک، حتی پردارخاسیندا رسمی شخصلر تورکییه‌لی و آذربایجانلی همکارلارینی باش وئره‌نلرله هئچ بیر علاقه‌لرینین اولمادیغینا و اسرائیلین قرارینا هر هانسی تأثیر گؤستره بیلمدیکلرینه ایناندیرماغا چالیشاجاقلار.