عراق حکومتی ایرانا یاخین سلاحلی گروپلارا سلاحلارینی حکومته تحویل وئرمک اوچون ۳۰ سنتیابر تاریخینه قدر واخت وئریب.

Axar.az خبر وئریر کی، بو حاق‌دا عراق حکومتینین سؤزچوسو حیدر العبودی آچیقلاما وئریب.

او، بوتون سلاحلی گروپلارا بو سون تاریخ باره‌ده رسمی اولاراق معلومات وئریلدیینی و قید اولونان تاریخدن سونرا حکومتین نظارتیندن کناردا اولان هر هانسی بیر سیلاحلینین قانونا اویغون اولاراق تعقیب ائدیلجیینی آچیقلاییب.

بو قرار آمریکانین رهبرلیک ائتدیی بین‌الخالق کوالیسییانین عراق‌دان پلانلاشدیریلان گئری چکیلمه‌سی ایله عینی واختا تصادف ائدیر و حکومتین نظارتین‌دن کناردا اولان سلاحلی قروپلارین فعالیتینه سون قویماق مقصدی داشیییر.

بیلدیریلیر کی، "اصایب اهلی الحق" و "کتایب امام علی" ده داخل اولماقلا بعضی گروپلار حربی ایستروکتورلارینی حکومته تحویل وئرمه‌یه راضیلیق وئریبلر.

آنجاق "کتایب حزبوللاه"، "کتایب سید الشهدا" و "حرکات النجبی" کیمی گروپلار بو قراری رد ائدیبلر. "کتایب حزبوللاه" "بیر گوله بئله" تحویل وئرمیجیینی آچیقلاییب.