خامنه‌ای فیزیکی جهت‌دن مکمل ساغلاملیق و رفاه ایچینده ایدی. اؤز قایدالارینی تقدیم ائتدی، من ده ناراحات‌لیقلاریمی و پروبلملری‌می بیلدیردیم. او دا سؤزلریمی راحتلیقلا دینله‌دی.

Axar.az خبر وئریر کی، بو سؤزلری ایران پرزیدنتی مسعود پزشکیان عالی رهبر مجتبی خامنه‌ای ایله گؤروشو باره‌ده دانیشارکن دئییب.

«گؤروش چوخ یاخشی کئچدی. تخمیناً ۷ ساعت اونون یانیندا اولدوم و اؤلکه‌نین گونده‌مینده اولان بوتون مسئله‌لر باره‌ده مذاکره آپارماق امکانیمیز اولدو. بوندان علاوه، سانکسیالاردان ایر‌لی گلن پروبلملر باره‌ده ده دانیشدیق. حکومتین و خالقین نئجه مقاومت گؤسترمه‌سی، انسانلارین دستیی، ائلجه ده بیرلیک و همرای‌لیک بو گؤروشده اطرافلی مذاکره اولونان دیگر مسئله‌لر ایدی.

بو گون دشمنین بوتون پلانلاری اختلاف و پارچالانما یاراتماغا یؤنلیب. بیز هر جور فکر آیریلیغیندان چکینمه‌لی، بیرلیک و همرای‌لییی پوزماغا خدمت ائد‌ن هر هانسی سؤز و ایفاده‌دن اوزاق دورمالیییق.

اولا بیلر کی، ائوین داخلینده معین مذاکره‌لر و فکر آیریلیقلاری اولسون، لاکین دنیایا کناردان واحد بیر سس و مؤقع چاتدیراجاغیق. قوی دشمنلر بیلسینلر کی، عزیز ایرانیمیز مستقیللیینی، باش اوجالیغینی و اؤز اینانجلارینی مدافعه ائتمک اوچون محکم دایانیب»، - او بیلدیریب.

قید ائدک کی، گؤروشدن هئچ بیر فوتو و یا ویدئو یاییملانماییب.