۱۵.۱۲.۲۰۱۶-جی ایل تاریخین‌ده (بو گون) سحر ساعت ۰۵.۰۰ راده‌لرین‌ده خزر دنیزین‌ده ۴۱ مئتر/ثانییه سرعتی ایله اسن گوجلو کولک «آزنئفت» ایستحصالات بیرلییینین نریمان نریمانوو آدینا نئفت قاز چیخارما ایداره‌سینین ۳ سایلی نئفت یییغیم منطقه‌سینین ساغ و سول حیصه‌سین‌ده یئرلشه‌ن ائستاکادانین اوزونلوغو تقریباً ۱۵۰ مئتر اولان حیصه‌سینی دنیزه اوچوروب.

سوکار-دان آخار. آز-آ وئریله‌ن معلوماتا گؤره، ائستاکادانین همین حیصه‌سی اؤزو ایله بیرلیک‌ده اونا بیتیشیک اولان مئیدانچانی و اوزرین‌ده‌کی یاشاییش بودکاسینی دا اوچوروب.

ایلکین معلوماتا گؤره، حادثه نتیجه‌سین‌ده نئفت ییغیم منطقه‌سینین نؤوبه‌ده اولان ۵ نفر و یاشاییش بودکاسین‌دا اولان ۵ نفر (جمعی ۱۰ نفر) امکداشی ایتکین دوشوب:

۱. زولفوقاروو گولوگلان - ماشینیست

۲. زولفوقاروو آزای - اوپئراتور

۳. قوربانوو ودادی - اوپئراتور

۴. حسنوو ائلچین - مئخانیک

۵. حاجی علیئو حسن اغا - اوپئراتور

۶. قفاروو ایلهام - اوپئراتور

۷. اسدوو سامیر - اوپئراتور

۸. بهراموو جاوید - اوپئراتور

۹. عابباسوو رامیز - ماشینیست

۱۰. روستموو قورخماز - اوپئراتور

حادثه یئرینه درحال فوقالعاده حاللار ناظرلیگی و خزر دنیز گمی‌چی‌لیگی ایداره‌سینین گمیلری جلب اولونوب. آختاریش-خیلاص ائتمه ایشلری داوام ائتدیریلیر. فوقالعاده حاللار ناظرلیگی، سوکار و «آزنئفت» ایستحصالات بیرلیینین رهبرلیگی حادثه یئرین‌ده‌دیر.

حادثه‌نین آراشدیریلماسی مقصدی ایله بیرگه خصوصی کومیسسییا یارادیلیب. آراشدیرمانین نتیجه‌لری باره‌ده علاوه معلومات وئریله‌جک.