قید ائدیلن ۴ چرشنبه‌نین هر بیرینین نووروز بایرامی ایله علاقه‌سی وار.

بونو اؤزل اولاراق ترند-ا آذربایجان میللی علملر آکادمییاسینین فولکلور اینستیتوتونون مراسیم فولکلورو شعبه‌سینین بؤیوک علمی ایشچی‌سی، فلسفه دوکتورو آتش احمدلی دئییب.

آ. احمدلی بعضی عالیملرین چرشنبه‌لرین تورک مدنیتیندن اوزاق اولماسی ایله باغلی فیکیرلرینی اساس‌سیز حساب ائدیر: «اگر هانسی‌سا عالیم چرشنبه‌لرله ۴ عنصورون علاقه‌سینی گؤره بیلمیرسه، بو، اونون اؤز گناهی‌دیر. بیزیم یاناشمالارا گؤره، نووروزدا دونیانین یارانماسی بایرام ائدیلیر. نووروز دونیانین تزه‌لنمه‌سی، بشریتین یارانماسی دئمک‌دیر. دونیانین و اینسانین یارانماسیندا ایسه ۴ عنصور بیرگه ایشتیراک ائدیر. بو ۴ عنصور اولمادان نه اینسان، نه ده دونیا وار. اونا گؤره ده نووروز بایرامیندا ایل تزلندییندن، یئنی ایل گلدییندن اینسان اؤز یارانیشینی بایرام ائدیر».

نووروزو کایناتین بایرامی سایان آ.احمدلی حساب ائدیر کی، بو مسئله‌یه گلوبال باخیمدان یاناشماق لازیمدیر.

عالیم علاوه ائدیب کی، دؤولت طرفیندن چرشنبه‌لرین "سو"، "اود"، "یئل" و "تورپاق" کیمی سیرالانماسی قبول ائدیلیب: "آنجاق بعضی بؤلگه‌لرده بو سیرالاما فرقلی شکیلده اولور. بؤلگه‌لرین بعضیلرینده ایلک چرشنبه "سو"، بعضیلرینده "اود"دور. چرشنبه‌لرین کئچیریلمه‌سینده فرقلی‌لییی یارادان اساس عامل اؤلکه‌میزین صرف جغرافی شرایطی ایله باغلی‌دیر. طبیعی-جوغرافی عامللر بوتون بؤلگه‌لرده عینی دئییل. ائله داغلیق یئر وار کی، اورادا گونشین ایستیلیگی ایلک چرشنبه‌ده حس ائدیلمیر، آران رایونلاریندا ایسه سولارین اویانماسی داها تئز مشاهیده ائدیلیر. ایقلیم تیپلرینین بو موختلیف‌لییی چرشنبه‌لرین فرقلی آردیجیللیقلا کئچیریلمه‌سینه سبب اولور».