ایسوئچره‌ده آمریکا نماینده‌لری ایله کئچیریله‌ن دانیشیقلاردا اشتراک ائد‌ن ایران نماینده هیئتی آمریکا پرزیدنتی دونالد ترامپ تهدید کاراکترلی بیاناتلارینا گؤره عذر ایستمیینجه رسمی گؤروشلری برپا ائتمه‌یه‌جک.

Axar.az خبر وئریر کی، بو باره‌ده «المیادین» تله‌کانالی معلومات یاییب.

معلوماتا گؤره، ایران نماینده هیئتینین رهبری آمریکا طرفینی بیاناتلاریندا داها احتیاط‌لی اولماغا چاغیریب. کانالین ادعاسینا اساساً، ایران طرفی ترامپین عذر ایسته‌مه‌سینی دانیشیقلارین داوامی اوچون شرط کیمی ایر‌لی سوروب.

بوندان باشقا، ایران نماینده‌لری لبناندا حربی عملیاتلارین دایاندیریلماسی ایله یاناشی، اسرائیل قوشونلارینین اؤلکه‌نین جنوبوندان چیخاریلماسینی دا طلب ائدیرلر.

قید ائدک کی، بون‌دان اؤنجه طرفلر آراسیندا ترامپین تهدیدلریندن دولایی دانیشیقلارین دایاندیریلدیغی، لاکن هتلده غیر رسمی شکلده داوام ائتدیریلدیی بیلدیریلیردی.