ارمنیستان سلاحلی قوه‌لرینین بؤلمه‌لری جبهه‌نین مختلیف ایستیقامتلرینده ایریچاپلی پولمیوتلاردان، ۶۰ و ۸۲ میللیمترلیک مینااتانلاردان، همچینین قومبارااتانلاردان دا (جمعی ۸۰ مرمی) ایستیفاده ائتمکله سوتکا عرضینده آتشکس رژیمینی عمومی‌لیک‌ده ۱۴۴ دفعه پوزوب.

مدافعه ناظیرلییندن آخار. آذ-آ وئریلن معلوماتدا بیلدیریلیب کی، ارمنیستان رئسپوبلیکاسی نویئمبئریان رایونونون دووئخ، ووسکئوان، ایجئوان رایونونون وازاشئن کندلرین‌ده یئرلشن مؤقعلردن قازاخ رایونونون کمرلی، قوشچو آیریم و بالا جعفرلی کندلرینده، بئرد رایونونون موسئسقئخ، چیناری کندلرینده یئرلشن مؤقعلردن توووز رایونونون علی بیلی، آغبولاق کندلرینده، کراسنوسئلسک رایونو اراضی‌سیندکی آدسیز یوکسکلیکلرده یئرلشن مؤقعلردن گدبی رایونو اراضی‌سین‌ده‌کی آدسیز یوکسک‌لیکلرده یئرلشن آذربایجان اوردوسونون مؤقعلری آتشه توتولوب.

ترتر رایونونون ایشغال آلتیندا اولان چیلبورت، آغدام رایونونون ساریجالی، مرزیلی، یوسیف جانلی، فضولی رایونونون قورقان، قاراخان بیلی، هورادیز، آشاغی ویسللی، آشاغی سید احمدلی کندلری یاخینلیغیندا، همچینین گؤیگؤل، گورانبوی، ترتر، آغدام، خوجاوند، فضولی و جبراییل رایونلاری اراضیسین‌ده‌کی آدسیز یوکسکلیکلرده یئرلشن مؤقعلردن ده آذربایجان سلاحلی قوه‌لرینین مؤقعلری آتشه توتولوب.

عملیات شرایطینه اویغون اولاراق آذربایجان اوردوسونون بؤلمه‌لری قارشیلیقلی جاواب تدبیرلری گؤروب.