روسییانین تکلیفی ایله خاریجی ایچشلر ناظیرلرینین قارشی‌دا پلانلاش‌دیریلان گؤروشونده کونکرت نتیجه الده اولونماسا، محاربه قاچیلماز اولاجاق.

بو سؤزلری آخار.آذ-آ روسییانین ارمنیستان و آذربایجان خاریجی ایشلر ناظیرلرینین نؤوبتی گؤروشونو پلانلاشدیرماسی ایله باغلی دانیشان پولیتولوگ ایلقار ولی‌زاده دئییب. اکسپرت سؤزوگدن گؤروشون داها اول باش توتماماسینین اساس سببینی ارمنیستاندا گؤروب:

«اصلینده، خاریجی ایشلر نازیرلرینین اوچطرلی گؤروشو دکابردا باش توتمالییدی. ارمنیستاندا سئچکیقاباغی پروسسلر مرکب ایدی و محض بو وضعیت نظره آلیناراق گؤروش تاخیره سالیندی. بو مسئله نین تکنیکی طرفی‌دیر. او کی قالدی رئاللیغا، گونده‌لیک‌ده رئال تکلیفلر هله ده چیی وضعیت‌ده‌دیر. آیدیندیر کی، ارمنیستان مسئله نی ائله قویور کی، دانیشیقلار آتشکس رژیمینین برپاسی اطرافیندا گئتسین و بوندان سونرا جبهه‌ده سلاحلی توققوشمالار باش وئرمه‌سین. آنجاق آذربایجان طرفی بونونلا راضی دئییل. رسمی باکی چالیشیر کی، بو مسئله ایله یاناشی، رایونلارین آزاد اولونماسی و قاچقینلارین گئری قاییتماسی دا مذاکیره اولونسون. اگر قارشی‌داکی گؤروشده کونستروکتیو یاناشما اولسا، یای آیلاریندا جبهه‌ده گرگینلیک سنگییه‌جک. چونکی شرطلره گؤره، طرفلر خاریجی ایشلر ناظیرلرینین گؤروشوندن سونرا پرزیدنتلرین گؤروشونه حاضیرلاشمالیدیر. کنکرت نتیجه الده اولونماسا، اوندا هر شئی گؤزله‌یه بیلریک. بئله شرایط‌ده محاربه احتیماللاری هئچ یایا دا قالمایاجاق، مایین سونو و یا ایوندا دا وضعیت گرگینلشه بیلر».

قید ائدک کی، ۲۷ آپرلده مسکوادا آذربایجان، ارمنیستان و روسییاخاریجی ایشلر نازیرلرینین گؤروشو نظرده توتولور.