مدافعه ناظیرلیینین رهبرلییی طرفیندن جبهه خطین‌ده یئرلشن بیرلشمه و حربی حیصه‌لرین دؤیوشه حاضرلیق سوییه‌سی یوخلانیلیب.

ناظیرلیین مطبوعات خیدمتین‌دن آخار. آذ-آ وئریلن معلوماتا گؤره، قفیل یوخلاما زامانی دؤیوش تطبیقی اوزره قوشونلارا وئریله‌ن قرارلار دقیق‌لشدیریلیب، بوتون قوشون نؤولری و قیسیملرینین قارشی‌لیقلی علاقه‌ده فعایلیت مسئله‌لری بیر داها اؤیرنیلیب.

مدافعه‌نین اؤن خطین‌ده یئرلشن حربی حیصه‌لرده اولان مدافعه ناظری گنرال-پولکوونیک ذاکیر حسنوو شخصی هئیت، دؤیوش تکنیکالاری و دیگر حربی واسطه‌لرین حاضرلیغی و تطبیقی مسئله‌لری ایله ماراقلانیب.

سلاحلی قوه‌لرین عالی باش کماندانینین تاپشیریغینا اساساً مدافعه ناظیرلیینین رهبرلییی ارمنیستان سلاحلی قوه‌لری طرفیندن ایولون ۴-ده فضولی رایونو آلخانلی کندینین آتشه توتولماسی نتیجه‌سینده مولکی شخصلرین هلاک اولدوغو یئره باخیش کئچیره‌رک مرحوملارین یاخینلارینا باش ساغلیغی وئریب. ساکینلرله گؤروشده مولکی اهالینین تهلوکسیزلیینین تعمین ائدیلمه‌سی ایستیقامتینده علاوه تدبیرلرین گؤرولدویو ده دقته چاتدیریلیب.