گونئی آذربایجان‌دا اهالینین تورک دیلین‌ده تحصیل آلماق طلبینی آرتیق بعضی یئرلی مسئوللارین دیلیندن ده ائشیتمک مومکوندور.

Axar.az -این معلوماتینا گؤره، شرقی آذربایجان والی‌سی محمدرضا پورمحمدی یانوارین ۳۱-ده میانا شهرین‌ده کئچیریلن بیر کنفرانس‌دا چیخیشی ائدرکه‌ن بو مسئله‌یه توخونوب.

«تورک دیلی زنگین فولکلور و ادبیاتا مالیک‌دیر. اونا گؤره ده تحصیل ناظرین‌دن ایستییریک کی، بو باره‌ده قرار قبول ائد‌رک گله‌جک ایللرده بو دیلین مکتبلرده تدریس اولونماسینا شرایط یاراتسین»- دئیه شرقی آذربایجان والی‌سی بیلدیریب.

والینین آنا دیلین‌ده تحصیل مسئله‌سینه توخونماسی کنفرانس ایشتیراکچیلاری طرفین‌دن یوکسک قیمتلندیریلیب.

اؤتن ایللرده تورک دیلین‌ده تحصیل آلماق حقوقو، تورک دیلین‌ده اؤلکه اوزره یاییملانان تله کانالین تاسیس ائدیلمه‌سی، همچینین تورک دیلی و ادبیاتی مدنیت ائوینین یارادیلماسی حاق‌دا بیر نئچه یئرلی مسئول، او جمله‌دن میللت وکیللری طلب ایر‌لی سوروبلر.