آذربایجان رسپوبلیکاسی ایله تورکییه رسپوبلیکاسی آراسین‌دا حربی امکداشلیق حاقین‌دا سازیشه اساساً کئچیریلن «مصطفی کمال آتاتورک-۲۰۱۹» آذربایجان-تورکییه بیرگه دؤیوش آتیشلی تاکتیکی تعلیمین مایین ۳-ده اساس مرحله‌سی باشلاییب.

آخار. آذ خبر وئریر کی، تلیمین اساس مقصدی قرارگاهلارین مشترک پلانلارینین حاضرلانماسی، شخصی هئیتین دؤیوش حاضرلیغی سوییه‌سینین آرتیریلماسی و اونلارین بیرگه عملیاتلاری ایجرا ائتمک وردیشلرینین اینکیشاف ائتدیریلمه‌سی ایله آذربایجان و تورکییه حربی بؤلمه‌لرینین قارشی‌لیق‌لی فعالیتینین علاقلندیریلمه‌سینه نایل اولماق، همچینین تجروبه موبادیله‌سی حیاتا کئچیرمکله ایکی اؤلکه‌نین حربی قوللوق‌چولارینین قارشی‌لیق‌لی موناسیبتلرینین و آنلاشماسینی یوکسک سوییه‌ده تعمین ائتمکدیر.

آذربایجان طرف‌دن تعلیمین رهبری، پولکوونیک ایلقار لطیفوو بیلدیریب کی، تعلیمین تاکتیکی مؤوضوعسو هر ایکی دؤولتین اوردوسونون تاکتیکی قروپلارینین مدافعه اولونان دوشمنین اوزرینه کئچه‌رک اونون دارماداغین ائدیلمه‌سی و دوشمن مؤقعلرینین درینلیکلرینی، یوکسکلیکلری، اراضی قیسمینی اله کئچیره‌رک محکمله‌نمکدیر. تاکتیکی تعلیملره آذربایجان و تورکییه‌دن ۱۰۰۰-دن چوخ شخصی هئیت، ۶۰-آ یاخین دؤیوش تئکنیکاسی، ۳۰ آرتیلرییا قورغوسو، ۲۰-یه یاخین دؤیوش هلیکوپترلری و دیگر دؤیوش تکنیکالاری جلب اولونوب. رهبرلیک طرفیندن قویولان اساس تاپشیریقلاردان بیری ایکی اؤلکه‌نین اوردولارینین قارشی‌لیق‌لی فعالیتی، هرطرف‌لی تأمینات سواللارینین و ایداره ائتمه‌نین تشکیل اولونماسی‌دیر. تعلیمین گئدیشین‌ده ایشتیراک ائد‌ن شخصی هئیت ده بیلمه‌دن تاکتیکی-شرایط بیر نئچه دفعه دییشدیریلیب. شخصی هئیت بون‌دان نتیجه چیخاراراق قارشی‌لیقلی فعالیتین هرطرف‌لی تأمیناتی و ایداره ائتمه سواللارینی یوکسک سوییه‌ده یئرینه یئتیریب.

تورکییه طرف‌دن تعلیمه قاتیلان قروپون رهبری، پولکوونیک مورات دیریک دئییب کی، آذربایجان و تورکییه حرب‌چیلرینین بیرگه امکداشلیغی اوزون ایللردیر داوام ائدیر. بو تعلیم ده همین تدبیرلردن بیریدیر. مقصد بیرگه چالیشماق، بیر-بیریمیزی آنلاماق‌دیر. تورکییه‌دن ۸۵ نفردن عبارت نماینده هئیتی ایله گلمیشیک. اؤلکه‌نیزه گلدییمیز گون‌دن خالقین و آذربایجان سلاح‌لی قوه‌لرینین بیزه گؤستردیی دقت و قایغی‌دان ممنونوق. بو، بیزیم دوستلوق و قارداشلیغیمیزین اوزون ایللره سؤیکه‌نمه‌سیندن خبر وئریر.