‏عزیز پورولی بی‌یین حیاتینی دییشمه سی ایله باغلی لطیف حسنی نین رجائی شهر تورمه سیندن باش ساغلیغی ساوی.

‏آدینی چاغداش میللی حرکاتیمیزین ایلک باشلاندیغی ایللریندن دویدوغوم عزیز بی له تانیشلیغیمیز تبریز تؤرمه سی نین 92-جی ایلینه قاییدیر. اونون اوره یی وطنیمیزین سئوگیسی ایله دؤیونن، سومویونون ایلیگینه قدر میللتیمیزه باغلی صاف اورکلی و صداقتلی بیر موباریز گؤردوم. عزیز بی گونئی آذربایجان میللی حرکاتینا بؤیوک و سارسیلماز بیر دایاق ایدی. اونون بو تئزلیک له آرامیزدان کؤچمه سی بیزه و باشی اوجا میللتیمیزه بؤیوک بیر ایتگی ساییلیر. بونونلا باغلی عزیز به یین حؤرمتلی عایله سینه باش ساغلیغی دئیب، اونون قوجامان روحونا اولو تانریدان رحمت دیله ییرم. روحو شاد، میللتیمیزین باشی ساغ اولسون.

(یئنی گاموح تشکیلاتی نین گئنل باشقانی دوکتور لطیف حسنی-رجایی شهر تورمه سی- خرداد آیی نین 5)