ایران پرزیدنتی مسعود پزشکیان آمریکا پرزیدنتی دونالد ترامپین ایران طرفینین "فارس" آدلاندیردیغی کؤرفزین بوندان سونرا "عرب" کؤرفزی آدلاندیریلماسی ایله باغلی قرارینا رئاکسییا وئریب

او، بو باره‌ده اؤزونون X سوسیال مئدیا حسابیندا پایلاشیم ائدیب.

پزشکیان پایلاشیمیندا ایران بایراغینین رسمینی و «فارس کؤرفزی» هشتگینی یئرلشدیره‌رک «فارس کؤرفزی فارس کؤرفزی اولاراق قالاجاق» یازیب.

ایکی اؤنجه آمریکا پرزیدنتی دونالد ترامپ فارس کؤرفزینین آدینی "عرب کؤرفزی" کیمی دییشدیرمک نیتینده اولدوغونو آچیقلاییب و گوگل دا آرتیق فارس کؤرفزی‌نین یانیندا مؤتریزه‌ده عرب کؤرفزی سؤزونو علاوه ائدیب.

قید ائدک کی، ایرانین "فارس" آدلاندیردیغی کؤرفزی بوتون عرب اؤلکه‌لری عرب کؤرفزی آدلاندیریر و بو تهرانلا عرب اؤلکه‌لری آراسیندا پروبلئملی مسئله‌لردن بیری اولوب.