یوخاری

ایران‌دا دفترخانا لوازیماتلارینین قیمتی ۳۰۰ فایز آرتیب

آنا صحیفه توپلوم
12 Punto 14 Punto 16 Punto 18 Punto

مکتبلرین آچیلماسی عرفه‌سین‌ده دفترخانا لوازیماتلاری بازارین‌دا دورغونلوق مشاهیده اولونور. آرتان قیمتلر و عائله‌لرین بوش جیبلری ساتیشلارین آزالماسینا سبب اولوب. مئهر خبر آگئنت‌لیگی، ۸ سنتیابر (۱۷ شهریور) بازار گونو، دفترخانا لوازیماتلاری ساتیجیلارینا ایستینادا، مکتبلرین آچیلماسی عرفه‌سین‌ده دفترخانا لوازیماتلارینین ساتیشینین ۶۰% آزالدیغینی بیلدیریب.

دفترخانا لوازیماتلارینین ساتیجیسی مهدی شربتی «مهر» آگنتلیینه دئییب: «کئچن ایلله مقاییسه‌ده قیمتلر اوچ دفعه آرتیب، آنجاق بیر ایل اولله مقاییسه‌ده جمعی ۴۰% ساتیش حیاتا کئچیریلیب».

ایران مطبوعاتدا یئر آلان معلوماتلارا گؤره، کئچه‌ن ایل شاگیردلر ۱۰۰ مین تومه‌نه دفترخانا لوازیماتلاری آلا بیلدیلرسه، بو ایل عائله‌لر عینی لوازیماتلار اوچون ان آزی ۳۰۰ مین تومه‌ن خرجله‌مه‌لی اولاجاقلار.

دفترخانا لوازیماتلاری بازیرن‌دا چالیشان صاحیبکارلار باهالاشمانین اساس سببی کیمی کاغیذین قیمتینین آرتماسینی گؤستریرلر. حکومت ایسه «بازار تنظیمله‌مه‌سی» مقصدیله دؤولت قیمتینه دفترلر پایلاییب.

بو باره‌ده کیتاب و دفترخانا لوازیماتلاری بیرلیینین رئیسی عباسه‌لی غفاری دئییب: «کاغیذین قیمتی ۸۰ مین تومندن ۵۰۰ مین تومه‌نه قدر آرتیب. حکومت ده بعضی ویلایتلرده دؤولت قیمتینه ائو تاپشیریغی دفترلرینی گئج پایلاییب و ساتیجیلار سربست بازاردان طلب اولونان ماللاری پایلاییب و ایندی ده دؤولت قیمتینه ساتیلان ائو تاپشیریغی دفترلرینی آلماغا پوللاری یوخدور».

اونون سؤزلرینه گؤره، بو دا اینسانلارین دفترخانا لوازیماتلاری آلماسینا مانع اولوب.

اینسانلار جیبلری بو ایللر عرضین‌ده اوولکین‌دن داها چوخ بوشالیب و ایستاتیستیکا مرکزینین معلوماتینا اساساً، بودجه کسیرینی دولدورماق اوچون تحصیل و استراحت خرجلرینی آزالتماغا مجبور اولوبلار.

ایستاتیستیکا مرکزینین سون حساباتین‌دا میشت خرجلری سبتینده تحصیلین پایینین ایکی فایزدن ده آشاغی دوشدویو گؤستریلیر.

تاریخ
2019.09.08 / 23:36
مولف
Axar.az
دیگر خبرلر

رشت-آستارا دمیر یولو باکی- تهران مناسبتلرینی محکملندیریر

نرگس محمدی اؤلدورولمکله هده‌لندی

عرب فعاللارین حیاتی تهلوکه‌ده‌دیر- ب.ام.ت نماینده‌سی

ایرانلا راضیلاشما غربین تهلوکه‌سیزلییی نامینه اولمالی‌دیر :بیانات

اردبیل‌ده قوراق‌لیق اولاجاق

طالبان قاچقینلارا گؤره ایرانا خبردارلیق ائتدی

آذربایجانلا صلح سازشی بو تاریخ‌ده امضالاناجاق - ارمنی مطبوعاتی

نهنگ آستروید بو گون یئره یاخینلاشیر

قزوین‌ده گوجلو یانغین اولدو

ایران‌دا ۶ نفر اعدام ائدیلدی

خبر خطّی
Axar.az'da reklam Bağla
Reklam
Bize yazin Bağla