ایران‌دا یاشایان ۲۶۰ سیویل و سیاسی فعال حکومتین آکتیویستلر، ژورنالیستلر و دیگر شخصلره قارشی سون تضییقلرینی و آغیر حبس حؤکملرینی قینایان بیانات یاییب.

آخار. آذ خبر وئریر کی، اونلار محکمه سیستمینین یئنی رهبری ایبراهیم رئیسینین «عدالتین شیرین دادی» شعارینا قارشی‌لیق اولاراق بیلدیریبلر کی، اجتماعی فعاللار بو گونه قدر آجی داددان، آغیر حؤکملر و یوکسک مبلغ‌لی مولکی وثیقه‌لردن باشقا هئچ نه دادماییبلار.

بیانات‌دا همچینین بیلدیریلیر کی، تهلوکه‌سیزلیک قوه‌لری قادین سیاسی مهبوسلارا قارشی اخلاقلا باغلی اتهاملار سورمکله، اونلاری و عائله‌لرینی معنوی سیندیرماغا چالیشیرلار.

فعاللار همچینین رسمیلرین محکوم آنالارین اؤز اؤولادلاری ایله تلفن علاقه‌سی یاراتماسی و گؤروشمه‌سینه تؤرتدیی انگللری ایران‌دا حکومتین قادین سیاسی محبوسلارا قارشی تطبیق ائتدیی ان گئنیش یاییلمیش تضییق واسطه‌سی اولدوغونو وورغولاییبلار.