آنا صحیفه توپلوم |
سون گونلر دوشن دولو نتیجهسینده اورمو باغچیلارینا ۲۰۰ میلیارد تومندن داها چوخ زیان دییب.
بو بارهده غربی آذربایجان کند تصروفاتی تشکیلاتینین ریسی رسول جلیلی معلومات یاییب.
«سنتیابرین ۸-ده اورمویا دوشهن دولو باغلارا و اکین یئرلرینه بیر چوخ زیان ووروب. بئله کی، دین زیان ۲۰۰ میلیارد تومندن چوخدور. ایلکین آراشدیرمالارا گؤره، دولو و سئل نتیجهسینده ۴۷ کندده ۵،۶۸۲ هئکتار باغ و اکین یئرلرینه زیان دییب. بونلاردان ۲،۸۰۴ هئکتاری اکین یئرلری، قالانی ایسه باغلاردیر. میوه اعمال ائدن زاوودلارا تاپشیریلیب کی، ۱۰ سنتیابر تاریخیندن اعتباراً دولو نتیجهسینده زدهلنهن اوزوملرین هر کیلوگرامینی ۱۶۰۰ تومن و زدهلی آلمالارین هر کیلوسونو ۷۰۰ تومندن باغچیلاردان گؤتورسونلر. حادثه نتیجهسینده دیری ۴۲ میلیون تومن اولان ۲۱ عدد مال حیواندا تلف اولوب. دولو و سئل نتیجهسینده ۶۰ مین تون باغچیلیق محصولو و ۸۲ مین تون تارلا محصولونا زیان دییب»، – جلیلی بیلدیریب.
قید ائدک کی، اکین ساحهلرینین بیر چوخو سیغورتا اولسا دا، سیغورتا حاقینین اؤدنیلمهسینه رغما، دیهن زیان واختیندا اؤدنیلمیر. بئله کی، کند تصروفاتی سیغورتا فوندو (صندوق بیمه کشاورزی) بیر دؤولت قورومودور. اکینچیلر طرفیندن اؤدنیلهن سیغورتا حاقی همین فوندا اؤدنیلیر. دین خسارتلرین اؤدنیلمهسی اوچون وسایت ایسه دؤولت طرفیندن آیریلیر و چوخ زامانلار گئجیکمه باش وئریر.
تاریخ
2019.09.12 / 21:03
|
مولف
Axar.az
|