یوخاری

ایچمه‌لی سویون قیت‌لیغی اردبیلین بیر آددیملیغین‌دا – والی

آنا صحیفه توپلوم
12 Punto 14 Punto 16 Punto 18 Punto

اردبیل شهرین‌ده سو قیتلیغینین تهلوکه زنگی چالینماق‌دادیر. گلن ایل اردبیل وطنداشلارینا سو چاتیشمازلیغی اولماسی احتیمالی وار.

بو سؤزلری اردبیل والیسی جواد زنجانی «سو قایناقلارینین قورونماسی» توپلانتی‌سین‌دا دانیشارکن دئییب.

«ایچمه‌لی سو چاتیشمازلیغینین قارشی‌سینی آلماق اوچون سو مصرفی و داواملی اولاراق سو احتیاطلارینی ایداره ائتمکدن باشقا یولوموز یوخ‌دور. ایجراچی اورگانلارن سو مؤوضوعسونا اساسلی چاره تاپمالاری لازیم‌دیر. یوخسا گلن ایل اردبیل‌ده ایچمه‌لی سو جیره بندلیینه شاهید اولاجاغیق. یئرآلتی سولارین سیستم‌سیز ایستیفاده‌سی دوشوندوروجودور. بو دورومون قارشی‌سینی آلماق ضرورت‌دیر. ایندییه کیمی یئرآلتی سولاری نظارته آلماماغیمیز سببین‌دن حاضیرکی بحرانی یاشاییریق. استان سویونون یوزده ۹۰-ی اکین‌چی‌لیک ساحه‌سین‌ده ایستیفاده ائدیلیر. بونا گؤره ده اکین‌چیلیک سکتورون‌دان باشلامالیییق. بو باخیم‌دان بئجرمه نمونه‌سی و سووارما تطبیق ائتمه‌لرینی دییشدیره‌رک، سکتوردا سو ایستهلاکینی مینیموما ائندیرملیگیک»، – زنجانی بیلدیریب.

خاطیرلاداق کی، ۱۳۹۸-جی ایلده اردبیل‌ده ۴ میلیون تون‌دان چوخ اکین‌چی‌لیک محصولاتی تولید ائدیلیب. همین محصولات یارارلی فابریکلرین اولماماسی سببین‌دن خام مال کیمی باشقا استانلارا ساتیلیب. اردبیلین رگیونال سو دیرکتورو سلیمان‌زاده ۱۳۹۶-جی ایلده دئمیش‌دیر کی، اردبیل دوزه‌نلیکلرینین ۱۳۰ میلیون کوب مئتر سو گؤتورولوب. بو، ۵ دفعه چوخ سو ایستیفاده اولونماسی معناسین‌دادیر.

تاریخ
2019.09.17 / 21:22
مولف
Axar.az
دیگر خبرلر

رشت-آستارا دمیر یولو باکی- تهران مناسبتلرینی محکملندیریر

نرگس محمدی اؤلدورولمکله هده‌لندی

عرب فعاللارین حیاتی تهلوکه‌ده‌دیر- ب.ام.ت نماینده‌سی

ایرانلا راضیلاشما غربین تهلوکه‌سیزلییی نامینه اولمالی‌دیر :بیانات

اردبیل‌ده قوراق‌لیق اولاجاق

طالبان قاچقینلارا گؤره ایرانا خبردارلیق ائتدی

آذربایجانلا صلح سازشی بو تاریخ‌ده امضالاناجاق - ارمنی مطبوعاتی

نهنگ آستروید بو گون یئره یاخینلاشیر

قزوین‌ده گوجلو یانغین اولدو

ایران‌دا ۶ نفر اعدام ائدیلدی

خبر خطّی
Axar.az'da reklam Bağla
Reklam
Bize yazin Bağla