شرقی آذربایجان ماراغا شهر ایجرا حاکمیتینین باش‌چی‌سی تمثیل ائتدیی شهرده تحصیل سوییه‌سینین آشاغی اولدوغون‌دان شیکایتلنیب.

آخار. آذ خبر وئریر کی، همید شوکری بو باره‌ده تحصیل ایداره‌سی شوراسینین کئچیردیی ایجلاس‌دا چیخیش ائدیب.

«ماراغادا تحصیلین سوییه‌سی آشاغی‌دیر، ۸۸ فایز شاگیردلر کئیفیت‌لی تحصیل‌دن محروم‌دور. بو مسئله اؤتن ایللرده تحصیله جلب اولونان شاگیردلرین سایینا دا اؤز تأثیرینی گؤستریب. حساب ائلییرم کی، تحصیل ایداره‌سی مسئوللاری تحصیلین کئیفیتینه خصوصی دقت یئتیرمه‌لی و شاگیردلری خصوصی معلم و تدریس مرکزلرینه یؤنلتمکدن ایمتینا ائتمه‌لیدیر.»- دئیه او بیلدیریب.

شهر ایجرا حاکمیتی باش‌چی‌سی اؤز چیخشین‌دا ماراغادا مکتب و درس اوتاقلاری چاتیشمازلیغینا دا ایشاره ائدیب. اونون سؤزلرینه گؤره، ماراغادا بیر چوخ مکتب بیناسی آرتیق کهنلیب و یارارسیز وضعیت‌ده‌دیر، بعضی محله‌لرده ایسه یئنی مکتبلره احتیاج وار.