آذربایجان اس اس ار خالق کومیسارلاری سووتینین صدری اولموش میرجفر باغیرووونون خیدمتی زیس-۱۱۰ آوتومبیلی حاضردا آمریکادادیر و باخیمسیز قالیب.

او دؤورده سووئت رهبرلرینین گزدیی زیس-۱۱۰ (ایستالین آدینا زاوود) بؤیوک وطن محاربه‌سینین باشا چاتماسیندان سونرا اس اس ار ای-ده سئرییا ایستحصالی حیاتا کئچیریله‌ن ایلک بو تیپ آوتومبیل ایدی. ۱۹۴۵-۱۹۶۱-جی ایللر عرضین‌ده همین آوتووبیل‌دن ۲۰۸۹ نسخه ایستحصال ائدیلیب. و همین آوتومبیللردن بیری سونرادان آمریکایا گئدیب چیخیب. تگزاس ایشتاتینین هیوستون شهرینه گئدیب چیخان زیس-۱۱۰ آوتومبیلینی ۲۰۱۶-جی ایلده ابای-دا ۲۰۰ مین دلارا ساتیبلار. بو، میرجفر باقیرووون آوتومبیلی ایدی...

۱۹۴۷-جی ایلده ایستحصال ائدیلمیش قارا زیس-۱۱۰ ایستالین طرفین‌دن میرجفر باغیرووا هدییه ائدیلمیشدی. ایستالینین اؤلوموندن سونرا میرجفر باقیروو دا ایشده‌ن چیخاریلیر، حبس اولونور و ۳۰-جو ایللرده حیاتا کئچیریلن آمانسیز رپرسییالارا گؤره گوله‌لنیر. آوتومبیل ایسه آذربایجان کمونیست پارتییاسی مرکزی کمیته‌سینین گاراژین‌دا، کونج‌ده آتیلیب قالیر. ۱۹۶۸-جی ایلده آوتومبیلی آذربایجان مأمورلارین‌دان کیمه‌سه باغیشلاییرلار.

۱۹۸۹-جو ایلده زیس یئنی صاحبینه چاتیر و او، ۱۹۹۸-جی ایلده آمریکالی آوتومبیل ایدخال‌چی‌سی ایله تانیش اولور. بیر ایل سونرا اونلار آنلاشیرلار و نادیر آوتومبیل آمریکایا یولا سالینیر. اورادا اوزون ایللر عرضین‌ده گاراژدا قالیب توز باسیر. ۲۰۱۶-جی ایلده ایسه ابای-دا ساتیلیر. حاضردا آوتومبیلین وضعیتی ایده‌آل دئییل، اما اونو رئستاوراسییا ائتمک و اوولکی وضعیتینه قایتارماق مومکوندور.