یوخاری

اورمییه‌لی گنج پلیس طرفین‌دن دؤیولدوکدن سونرا اؤلدو

آنا صحیفه توپلوم
12 Punto 14 Punto 16 Punto 18 Punto

پلیس مأمورو طرفین‌دن آغیر بده‌ن خسارتلری یئتیریله‌رک سون بیر هفته کوما وضعیتین‌ده قالان ۱۹ یاش‌لی اورومیلی گنج اوغلان اؤتن گون حیاتینی ایتیریب. موتوسیکلئتله کوریئر ایشی ایله مشغول اولان وطنداشین دؤیولمه‌سی و اؤلدورولمه‌سینین مرحومون موتوسیکلئت ایداره ائتمک اوچون وثیقه‌سینین اولماماسی ایله علاقه‌لی اولدوغو دئییلیر.

اوکتیابرین ۷-ده علی خدایی آدلی اورومییه ساکینی پلیس مأمورو طرفین‌دن دؤیولمه‌سی نتیجه‌سین‌ده حیاتینی ایتیریب.

مرحومون عائله‌سینه یاخین بیر منبع دئییب: «سنتیابرین ۳۰-او بازار ائرته‌سی، علی خدایی حقوق-محافظه اورگانلارینین امکداشلاری طرفیندن دؤیوله‌رک باشیندان آلدیغی آغیر خسارتلر نتیجه‌سینده کومایا دوشوب. نهایت او ۷ گون کومادا قالدیق‌دان سونرا اؤتن گون حیاتینی ایتیریب».

منبع علاوه ائدیب: «باجی‌سینین خرجلرینی ده تعمین ائد‌ن علی دولانیشیق اوچون کوریر اولاراق چالیشیردی و حادثه‌نین باش وئردیی گون اورمییه‌نین شاهرخ آباد رایونون‌دا سحر پارکینین یاخینلیغین‌دا موتوسیکلئت وثیقه‌سینین اولماماسی سببین‌دن ساخلانیلیر و مصطفی زاده آدلی پلیس مأمورو طرفین‌دن باشین‌دان وورولاراق کومایا سالینیر».

اونون جسدینین دونن تورپاغا تاپشیریلدیغی، لاکین همین پلیس امکداشینین ایندیدک مسئولیته جلب اولونمادیغی دئییلیر.

تاریخ
2019.10.09 / 11:33
مولف
Axar.az
دیگر خبرلر

رشت-آستارا دمیر یولو باکی- تهران مناسبتلرینی محکملندیریر

نرگس محمدی اؤلدورولمکله هده‌لندی

عرب فعاللارین حیاتی تهلوکه‌ده‌دیر- ب.ام.ت نماینده‌سی

ایرانلا راضیلاشما غربین تهلوکه‌سیزلییی نامینه اولمالی‌دیر :بیانات

اردبیل‌ده قوراق‌لیق اولاجاق

طالبان قاچقینلارا گؤره ایرانا خبردارلیق ائتدی

آذربایجانلا صلح سازشی بو تاریخ‌ده امضالاناجاق - ارمنی مطبوعاتی

نهنگ آستروید بو گون یئره یاخینلاشیر

قزوین‌ده گوجلو یانغین اولدو

ایران‌دا ۶ نفر اعدام ائدیلدی

خبر خطّی
Axar.az'da reklam Bağla
Reklam
Bize yazin Bağla