ایران تله رادیو شیرکتی نؤوبتی دفعه آذربایجان تورک میللتینه قارشی آشاغیلاییجی حرکته یول وئریب.

آخار. آذ خبر وئریر کی، ویدئودا گؤروندویو کیمی، ۳-جو تله کانال‌دا یاییم‌لانان مشهور «گیلئوا» سئریالین‌دا تورک دیلین‌ده دانیشان آکتیورلارا تحقیرآمیز رول وئریلیب و گیلان ایالتینین تورکلری مهاجیر کیمی قلمه وئریلیب.

قاراچیلارا اوخشادیلان تورکلر مدنیت‌سیز و عادت-عنعنه‌نی بیلمه‌یه‌ن اینسانلار کیمی تقدیم اولونوب. بونون قارشیلیغین‌دا گیلکلر فارس دیلینی یوکسک سوییه‌ده دانیشیر، اونلار جنگاور، تمیز و دوزه‌نلی اینسانلار کیمی نماییش ائتدیریلیر.

فیلمین بیر حیصه‌سین‌ده فارسجا دانیشان بیر گیلک آکتیور دیلنچیلر دسته‌سینی گؤرونجه دئییر: یاخشی اولدو کی، محاربه‌یه گئدیرم. عکس حال‌دا بو دیله‌ن‌چیلرله عینی ائوده یاشامالی اولاجایدیم.

سئریالین مؤوضوعسو ۲۰-جی عصرین اوللری، میرزا کوچک خان جنگلینین حیاتی دؤورونه عاییددیر.