بیر قروپ گونئی آذربایجان‌لی میللی-مده‌نی فعال بیانات یایاراق ایران جغرافییاسین‌دا یاشایان بوتون تورکلری شرقی آذربایجان‌دا باش وئره‌ن زلزله‌دن ضررچکه‌نلره یاردیم ائتمه‌یه چاغیریب.

««تورکون تورک‌دن باشقا دوستو یوخ‌دور»

بو سؤزون دوغرو اولدوغو موختلیف زامانلاردا ایران جورافییاسین‌دا یاشایان تورک خالقلارینا ثبوت اولونوب.

آذربایجان تورکلری، قاشقای، تورکمه‌ن، خلج، آوشار و دیگر تورک بویلاری آراسین‌دا هر هان‌سی طبیعی فلاکت باش وئررسه، اونلار بیر-بیرلرینه دایاق دوروب و یئنه ده دوراجاق.

تأسفلر اولسون کی، بیر نئچه گون اول میانا بؤلگه‌سین‌ده زلزه‌له باش وئردی و تورک خالقلارینی کدره بوغ‌دو. بو مسئله ایران‌دا تورک خالقلارینی حرکته گتیریب، اونلار اؤز سویداشلارینا یاردیم ائد‌جک.

بیز آذربایجان‌لی میللی-مده‌نی فعاللار اولاراق طبیعی فلاکت‌ده عزیزلرینی ایتیره‌ن عائله‌لره باشساغ‌لیغی وئریر، باش وئره‌ن حادثه ایله باغلی اؤز مسوللیتیمیزی درک ائد‌رک زلزه‌له‌دن زررچکه‌نلره یاردیم توپلاماغی اؤزوموزه بورج بیلیریک. آذربایجان و دیگر تورکلردن بو ایشده فعاللارا دستک وئرمه‌لرینی گؤزلییریک.»- دئیه بیانات‌دا قئید اولونوب.

فعاللار زلزه‌له بؤلگه‌سینه گؤندریله‌جک یاردیملاری دا قئید ائدیب: ائلئکتریک‌لی قیزدیریجی واسطه‌لر، کابئل، یورغان، گئییم، اوشاق بئزی و ساغلام‌لیق اوچون واجیب اولان دیگر واسطه‌لر.