آنا صحیفه توپلوم |
دویو ایله ظفران و یا زردچالین هارمونییاسیندان یارانان بو شیرنیات "زرده" آدلانیر.
عثمانلی زامانیندا اوللر بیر یاس یئیجیی اولاراق مجلیسه گتیریلهن زرده سونرالار توی و آیری-آیری بایرام گونلرینده تقدیم ائدیلمهیه باشلاندی و خوش مراسیملر شیرنیسینه چئوریلدی.
دادیندان باشقا، زردنین سئویلمهسینین بیر سببی ظفرانین گونش و قیزیل ساریسینا بنزهیهن اورکاچیجی رنگده اولما جازیبهسیدیر. اما بو ادویات باهالی اولدوغونا گؤره عمومیلیکده زرده آرتیق تکجه زردچاللا حاضرلانیر.
اولجه زرده حاضرلاماق اوچون بیز نلر لازیمدیر، لوازیماتینی سادالایاق:
۱ ایستکان دویو،
۲ لیتر سو،
یاریم کیلو شکر توزو و یا ۱ ایستکان یاریم بال،
۲ قاشیق قارغیدالی نیشاستاسی،
یاریم ایستکان گول سویو،
۱ گرم ظفران،
یاریم چای قاشیغی زردچال.
شیرنیاتین اوستونو بزهمک اوچونسه،
۳۰ گر. کیشمیش،
۳۰ گر. شام فیستیغی
اولجه ظفرانی دملهنمهسی اوچون بیر گئجه اولدن بیر ایستکان ایلیق گول سویونون ایچریسینده آغزی قاپالی شکیلده ساخلایین.
کیشمیشلری یویوب تمیزلیین، سونرا یومشالیب شیشمهلری اوچون اونو دا سویا قویون.
دویونو یویون و ۲ لیتر سودا یومشالانا قدر قاینادین.
قارغیدالی نیشاستاسینی یاریم ایستکان سودا اریدیب قاینادیلماقدا اولان دویونون ایچینه تؤکوب قاریشدیرین. شکر توزو و یا بالی، ظفرانلی گول سویو و زردچالی دا قازانا علاوه ائدین. علینیزی ساخلامادان قاریشدیراراق بیر بوروم قاینادین. بوندان سونرا قازین ایستیلیینی آزالدین و زردنین سویو چکیلنه قدر بیشیرین.
بیشهن زردنی قازین اوزریندن گؤتوروب ۶ کاسایا برابر اولاراق تؤکون. سویودوقدان سونرا اوزرینه کیشمیشله شام فیستیغی سپهرک بزیین و سوفرهیه گتیرهرک چای یانیندا لذتله یئیین. نوش اولسون!
تاریخ
2019.12.09 / 22:19
|
مولف
Axar.az
|