تبریزین هاوا کئیفیتی ایندکسی نورمادان آرتیق چیرکلی‌دیر کی، بو، حساس اینسانلار اوچون تهلوکه‌لی‌دیر.

آخار. آذ خبر وئریر کی، بو سؤزلری شرقی آذربایجانین اطراف موحیط باش ایداره‌سینین عمومی علاقه‌لر شؤب‌سینین مدیری داوود قاسیم‌زاده ایسنا-یا آچیقلاماسین‌دا دئییب.

«تبریزین هاوا کیفیتی ایندئک‌سی مووافیق گون‌ده، ساعت ۲۰ راده‌لرین‌ده ۱۲۱-ا برابر اولوب. بو سوییه ایسه حساس اینسانلارین صحتین‌ده پروبلملر یارادا بیلر. بئله دوروم‌دا اورک، آغ جیر خسته‌لری، حامیله و کؤرپه امیزدیره‌ن قادینلار، یاش‌لیلار، ائل‌جه ده اوشاقلارین آچیق هاوادا اوزون مدت‌لی قالمامالارینی، آغیر ایشلری گؤرمکدن چکینمه‌لرینی توصیه ائدیریک»، – آچیقلامادا بیلدیریلیب.

قید ائدک کی، هاوانین چیرکلی‌لیک سوییه‌سی ۰-۵۰ آراسیندادیرسا تمیز، ۵۰-۱۰۰ آرالیغین‌دادیرسا ساغلام هاوا، ۱۰۰-۱۵۰ آرالیغی ایسه چیرکلی هاوا حساب اولونور. بو سوییه صحتین‌ده پروبلملر اولانلار اوچون مناسیب دئییل. همچینین، هاوانین چیرکلی‌لیگی ۱۵۰-۲۰۰ آراسی اولدوق‌دا بوتون جمعیت قروپلاری اوچون تهلوکه‌لی وضعیت یارانار. چیرکلی‌لیک سوییه‌سی ۲۰۰-دن چوخ اولارسا، بو، بحران وضعیتینین گؤستریجی‌سی اولار.