محمد باقر قالیباف 230 رای ایله اون‌بیرینجی مجلیسین باشقانی اولدو.

محمدباقر قالیباف با ۲۳۰ رای‌ به ریاست مجلس یازدهم رسید. قالیباف بیر ایل بو مقام‌دا قالاجاق‌دیر.
مجلیس‌ین باشقان لار هئیتی‌نین اویلاماسیندا، امیر حسین قاضی‌زاده هاشمی و علی نیکزاد ثمرین 208 و 196 اوی ایله، بیرینجی و ایکینجی باشقان یاردیمچی‌سی سئچیلدیلر.
قالیباف‌دان علاوه، فریدون عباسی و مصطفی آقامیر سلیم ده مجلیس باشقان‌لیغی آدایی اولموشدولار.
تهران ین کئچمیش بلدیه باشقانی، محمد باقر قالیباف، بیر میلیون 265 اوی گتیره‌رک تهران لیسته‌سی‌نین بیرینجیسی اولموشدو. او، کؤکدنچی‌لرین ( اصول گرالارین) پراگماتیک شخصیت‌لریندن‌دیر.

قالیباف 12 ایل تهرانین بلدیه باشقانی‌یدی. کئچن‌لردن اوچ کز جمهور باشقان‌لیغی آدایی اولموشدور آما بو مقامی قازانا بیلمه‌میشدیر.
کئچن ایل‌لرده اونا، تهران بلدیه باشقان‌لیغیندا، دفعه‌لرجه چئشیدلی مالی فساد سوچ‌لامالاری گونده‌مه گلمیشدیر.
اون‌بیرینجی شورا مجلیسی‌نین باشقانی، محمد باقر قالیباف، بیرینجی ایلین بیرینجی دانیشماسیندا، مجلیس باشقانی مقامیندا، دئدی: عزیز جماعاتا خیدمت ائتمک اوچون خیدمت توفیقنه نایل اولدوغوما گؤره آللاها شوکر ائلیرم. او دئدی: سیز حؤرمتلی نوماینده‌لر بنده نیزه منت قویدوز و منه باشقان‌لار هئیتی اولاراق خیدمت ائتمک توفقینی وئردینیز. یئری وار بوتون اوزمان‌لارا، ایشله‌ین‌لره و گووه‌ن‌لیک سوروملوسو اولان بوتون قوه‌لره اؤز تشککورلریمی بیلدیرم.
قالیباف دئدی: بو ایکی گونو، یاش اولاراق باشقان‌لار هئیتی‌نین مجلیسی اویغون شکیلده یؤنه‌لتدیکلری اوچون اونلارا تشککور ائدیرم. انشاالله گلن توپلانتی‌دا بیر دانیشیغیم اولاجاق و اساس مطلب‌لری او فرصت‌ده دانیشاجاغام.