Axar.az
یوخاری
9 اییول 2020


ایران‌دا قیزینی قتله یئتیره‌ن آتا یونگول جزا آلا بیلر-گونئی‌لی فعال

آنا صحیفه توپلوم
12 Punto 14 Punto 16 Punto 18 Punto

ایرانین تالیش بؤلگه‌سین‌ده ۱۴ یاشین‌داکی رومینا اشرفینین آتاسی طرفین‌دن وحشیجه‌سینه قتله یئتیریلمه‌سی توپلوم‌دا غضب‌لی رئاک‌سییالارا یول آچیب. قادین و گئندئر اوزره آراش‌دیرماچی سئویل سولئیمانی آمئریکانین سسی ایله صحبت‌ده بو اولایی و عمومیتله ناموس جینایتلرینی دیرلندیریب.

ایران مطبوعاتین‌دا یازیلانلارا گؤره، رومینا اشرفی عائله‌سینین ائوله‌نمه‌سینه ایجازه وئرمدیی اوچون سئوگی‌لی‌سی ایله قاچدیق‌دان بیر نئچه گون سونرا پولیس قوه‌لری طرفین‌دن ساخلانیلیب و عائله‌سینه تهویل وئریلیب. یئنی‌یئتمه قیزین آتاسی ایسه اونو یوخودا اوراقلا قتله یئتیریب.

سئویل سولئیمانی دئییر کی، «قیز عائله‌سینه تهویل وئریلمه‌دن محکمه‌ده دئییب کی، منی اؤلدوررلر و جانیم تهلوکه‌ده‌دیر. اما گؤرونور کی، کیم‌سه اونو دینلمیر و نهایت‌ده آتاسینا تهویل وئریلیر.»

رومینا عائله‌سینه تهویل وئریلمه‌دن، محکمه‌ده دئییر کی، منی اؤلدوررلر و جانیم تهلوکه‌ده‌دیر. اما گؤرونور کی، کیم‌سه اونو دینلمیر و نهایت‌ده آتاسینا تهویل وئریلیر.
او، حیاتینین تلوکه‌ده اولدوغونو بیل‌دیرمه‌سینه باخمایاراق، رومینا اشرفینی آتاسینا تهویل وئره‌ن حاکم و پولیس قوه‌لرینین ده سوچ‌لو اولدوغونو وورغولاییر.

مده‌نی فعالین دئدیکلرینه گؤره، «ایلک دفعه دئییل کی، بئله بیر جینایت باش وئریر. اما تأسفله بونلارا ایللردیر سس‌سیز قالینیب. یعنی قادین مسئله‌لری، قادینلارا قارشی جینایتلر او قدر مئدیادا یئر آلماییب. ایندی سوسیال مئدیا واسطه‌سیله بو خبرلر داها آرتیق اورتایا چیخیر. بیر آز دا بو کورونا واختین‌دا اینسانلار ائوده اوتوروب خبرلر ایله داها چوخ ماراقلاندیقلاری اوچون بو خبر بئله یاییل‌دی.»

سولئیمانی کیشینی قادینین صاحبی کیمی تقدیم ائد‌ن زئهنیتین بو نؤو ناموس جینایتلرین اساس موتیواسییاسی اولدوغونو ایفاده ائدیر:

«آتانین نه اوچون بو جیناییی ائتدیی اؤن‌م‌لی‌دیر. او، بونا ناموس آدی وئریر. بونو قئیرت و ناموس اساسین‌دا ائتدیینی دئییر. بو قئیرت و ناموس کونسئپتی یعنی نه؟ بو اورادان گلیر کی، او آتا اؤزونو قیزینین صاحبی گؤرور. قیزینا اؤز مولکیتین‌ده اولان اشیا کیمی باخیر.»

بو اورادان گلیر کی، او آتا اؤزونو قیزینین صاحبی گؤرور. قیزینا اؤز مولکیتین‌ده اولان اشیا کیمی باخیر.

سولئیمانی همچینین ایران‌دا ائرکه‌ن یاش‌دا ائولیلیین نورمال حالا گلمه‌سینه دقت چکه‌رک دئییر کی، «بو اولایا باخان‌دا، اوشاق ائولیلیینین بو قدر نورماللاشدیغینی گؤروروک. یعنی بو اوغلانلا موصاحیبه ائدیرلر، دئییر کی، ‘قیزی سئویردیم. آشیق ایدیم. ایکی ایل ایدی بیزیم علاقه‌میز داوام ائدیردی. قیز ایسته‌دی کی، اونونلا ائوله‌نه‌م و آتاسی وئرمدیی اوچون بیز قاچماغا قرار وئردیک.’ یعنی، سانکی بورادا بیر اوشاق‌دان صحبت گئتمیر. سانکی یئتکین بیر اینسان‌دان صحبت اولونور کی، ائولی‌لییه حاضردیر و هئچ بیر باسقی آلتین‌دا اولمادان بئله بیر ائولی‌لییه جان آتیرمیش.

مطبوعات‌دا یازیلانلارا گؤره، قاتیل داها اول بیر وکیلله دانیشاراق، ایران قانونلارین‌دا اؤز اؤولادینی قتله یئتیره‌ن آتایا وئریله‌ن جزانین آغیر اولمادیغینی اؤیرنیب.

مطبوعات‌دا یازیلانلارا گؤره، قاتیل داها اول بیر وکیلله دانیشاراق، ایران قانونلارین‌دا اؤز اؤولادینی قتله یئتیره‌ن آتایا وئریله‌ن جزانین آغیر اولمادیغینی اؤیرنیب.

تاریخ
2020.06.04 / 18:50
مولف
Axar.az
شرح لر
دیگر خبرلر

تبریزده قیز هیکلینین گئییمی دییشدیریلدی، یئرینه قایتاریلدی-فوتو

آذربایجان‌لی فعال باره‌ده بمت-یه مراجعت ائدیل‌دی

قاراداغ مئشه‌لرین‌دن یئنی‌دن یانغین باشلادی

آذربایجان مطبوعات موزه‌سی‌نی تجهیز ائتمک اوچون آنلاشما امضالاندی

غربی آذربایجان‌دا اعداما محکوم اولان ایکی گنج عفو ائدیلدی

بوبونیک وَبا خسته‌لییی‌نین اؤلکه‌یه گیرمه‌سی تکذیب اولدو

داها ۵۳۷ نفر کورونایا یولوخ‌دو، ۷ نفر اؤلدو

گونئی‌لی فعال روزبئه پیری سربست بوراخیلدی- ویدئو

تبریز بلدییه‌سینین ایشچیلرینین آنا دیلین‌ده دانیشماسی قاداغان ائدیلدی

شرقی آذربایجان‌دا کورونایا یولوخانلارین ۲۸ فایزی ائو خانیملاری‌دیر

خبر خطّی
 
Axar.az'da reklam Bağla
Reklam
Bize yazin Bağla