ایران‌دا اعتراضلار زامانی اؤلدوروله‌ن ۵۱۹ نفردن ۶۹-او اوشاقدیر. ۲۰ مین اعتراضچی ایسه ساخلانیلیب. اونلارین آراسین‌دا ۳ مینی گونئی آذربایجانلیلاریدیر.

Axar.az خبر وئریر کی، بو سؤزلری گونئی‌لی فعال مرتضی مرادپور یایدیغی ویدئومعلومات‌دا دئییب. او، «ارک» اینسان حاقلاری درنیینین سون اعتراضلاردا اؤلدورولن و حاقین‌دا اعدام حکمو چیخاریلان شخصلرله باغلی ایستاتیستیکاسینی آچیقلاییب.

«آغیر ماده‌لرله اتهام اولونان ۱۲۰ نفرین چوخو اعدام اولونماق تهلوکه‌سی ایله اوز-اوز‌دیر. ۱۶ نفر آذربایجان‌لی حاقین‌دا دا اعدام حکمو چیخاریلیب. ۳۳ نفر گولّه یاراسی آلاراق اؤلدورولوب. حیدر عظیمی قراباشی آدلی شخص پلیس ایداره‌سین‌ده ایشگه‌نجه‌لره معروض قالاراق حیاتینی ایتیریب. اعدام حکمو وئریله‌ن شخصلردن بیر چوخونا آوروپا بیرلیگی موکیل‌لیک ائتسه ده، ایکی نفر رژیم طرفین‌دن آسیلاراق اؤلدورولوب. سهند نورمحمدزادنین رجایی-شهر حبسخاناسینا گؤندریلمه‌سی هئچ ده خوش خبر دئییل. چونکی بو زیندانا گؤندریله‌ن شخصلر سون‌دا آسیلاراق اعدام اولونور. بونا مانع اولماق اوچون هامینی سفربرلییه چاغیریرام»، - او بیلدیریب.