قیزلارین و خانیملارین تحصیلدن یاینماسیندا ماراقلی اولان ایران حاکمیتی اونلارا قارشی جدی پروسسه باشلاییب. تحصیل اوجاقلارینا هجوم بو سیاستین ترکیب حصه‌سیدیر.

بو سؤزلری Axar.az-آ آذربایجان اؤیرنجی حرکاتینین سؤزچوسو (آزوه) امیر مردانی ایراندا حجابسیز طلبه خانیملارین اونیورسیتتلره بوراخیلمایاجاغی ایله باغلی یاییلان خبرلری شرح ائدرکه‌ن دئییب.

او، رژیمین ایستنیله‌ن جزا تدبیرینین قادینلارین مبارزه‌سینه انگل اولا بیلمیجیینی بیلدیریب:

«قادینلارین گوج و امکانلارینی دریندن آنالیز ائد‌ن ایران حاکمیتی اونلارین نوبتی اعتراضلارداکی فاللیغیندان احتیاط ائدیر. رژیم آنلاییر کی، خانیملارین باشلادیغی مبارزه سونا چاتمالیدیر. حکومت قاباقلاییجی تدبیرلر گؤرمه‌یه باشلاییب. آزیاشلی مکتبلی قیز اوشاقلارینین زهرله‌نمه‌سی ایله باشلایان پروسس اؤلکه‌ده معین واهمه یاراتسا دا، رژیمین خیرینه هئچ نیی دییشمه‌ییب. ایران حاکمیتینین بو غیرانسانی داورانیشی دقت چکدی و دونیادا قینانیلدی».

مردانی قیز مکتبلرین‌ده‌کی زهرله‌نمه حاللارینی بئله اساسلاندیریب:

«بعضیلری حساب ائدیر کی، رژیم مکتبلی قیزلاردان قصاص آلیر. چونکی اؤلکه‌نین گلجیی ساییلان قیز اوشاقلاری اعتراضلارا قوشولماقلا حکومته قارشی اولدوقلارینی نمایش ائتدیردیلر. بو ایسه آغیر ایدئولوژی ضربه ایدی. گووه‌نی سارسیلان رژیم مکتبلیلردن حیف چیخیر».

او، اونیورسیتتلرده تحصیل آلان خانیملارین دا معین تضییقلره معروض قالاجاغینی دئییب:

«حکومت طلبه قیزلاری نظارتسیز بوراخمایاجاق. اطاعتسیزلیک گؤستره‌ن اؤیرنجی خانیملار اویغون گئییمده اولمادیقلاری اوچون عالی مکتبه بوراخیلمیر. هله نوبتی گونلرده قایدالارین داها دا سرتلشدیریلجیی گؤزلنیلیر».

مردانی حاضرکی شرطلر آلتیندا اعتراضلارین نوبتی دالغاسینین قاچیلماز اولدوغونو دقته چاتدیریب:

«رژیم هر نه قدر تدبیرلی داورانسا دا، اعتراض دالغاسینا تاب گتیره بیلمه‌یه‌جک. چونکی زهرلنه‌ن مکتبلی قیزلارین والدینلری غضبلی‌دیر و رژیم علیهینه اعتراضلارا قوشولاجاق. همچینین، خانیملار اؤز حاقلاری اوغروندا سونا کیمی مبارزه آپارماق فیکرینده‌دیر. اونلار دا رژیم علیهینه نمایشلرده اشتراک ائد‌جک. یئنی اعتراضلارین یاخین زمانلاردا باش وئرجیی قاچیلمازدیر».